#höldumáfram: Æfingar fyrir þá sem deila heimili og vilja æfa saman

Tvíburarnir Bensi og Dóri sýna heimaæfingar sem henta vel fyrir þá sem deila heimili og vilja æfa saman. Þær nefnast Tabata Workout og eru hluti af verkefninu #höldumáfram.

Í hverju setti eru tvær æfingar. Fyrst er unnið  í 20 sekúndur, svo pásað í 10 sekúndur og svo er skipt um stöðu. Þetta er gert átta sinnum og svo farið yfir í næstu æfingu, eins og sjá má í myndbandinu hér fyrir neðan.

Æfingin er einföld í framkvæmd og í raun þarf ekki neitt nema eitt lítið handklæði. Hún krefst þess að aðilarnir vinni saman og setji pressu á hvorn annan og geri þetta skemmtilegt.

Verkefnið #höldumáfram snýr að því að hvetja fólk til að hugsa um líkamlega og andlega heilsu hvort sem það er að taka æfingu, fara í göngutúr, hugleiða eða hvað sem skiptir hvern og einn máli. En þessa dagana þarf fólk að gera það heima eða úti í náttúrunni. Sjá má fleiri æfingar hér fyrir neðan.