Mugison ætlar að elta sólina í sumar

„Ég hef rúntað um landið á sumrin og spilað út um allt og ætlaði að gera það í sumar líka en út af ástandinu þá næ ég ekki að plana ferðina, það eru bara of margir óvissuþættir,“ segir tónlistarmaðurinn Mugison í færslu á Facebook.

„Þannig að ég er búin að vera brainstorma og held ég sé komin með geggjaða hugmynd. Að spila í skrúð- og lystigörðum og nokkrum vel völdum náttúruperlum eins og Skálinni á Sauratindum, Kirkjunni Hljóðaklettum, Stuðlagili, fjörunni í Skálavík… oohhh það eru svo margir staðir sem mig langar að spila á.“

Mugison segist enn vera láta sig dreyma og hefur ekki fengið leyfir fyrir neinu ennþá.

„Og í staðinn fyrir að gefa út staði og dagsetningar þá er hugmyndin að elta bara góða veðrið og láta ykkur vita með nokkra daga fyrirvara. Sennilega bara við fjölskyldan, kassagítar og nikkan. Hvernig líst ykkur á? Einhverjar hugmyndir?“