Matur

Saltkaramelluís Lindu Ben

Sylvía Rut Sigfúsdóttir skrifar
Linda Ben sendi frá sér sína fyrstu uppskriftabók fyrir þessi jól.
Linda Ben sendi frá sér sína fyrstu uppskriftabók fyrir þessi jól. Samsett/Íris Dögg Einarsdóttir-Linda Ben

„Ómótstæðilegur ís með mjúkri saltkaramellu og ristuðum pekanhnetum. Ísinn er jafn einfaldur í framkvæmd og hann er ljúffengur. Ég get nánast fullyrt að það verður ekki afgangur af þessum,“ segir Linda Ben, höfundur bókarinnar Kökur.

Við fengum hana til að deila með lesendum Vísis uppskrift að góðum ís fyrir hátíðarnar. Linda segir að það þurfi að undirbúa ísinn með að minnsta kosti tólf klukkustunda fyrirvara. Það tekur aðeins 20 mínútur að framkvæma uppskriftina en svo þarf ísinn að fara í frysti í tólf klukkustundir áður en hann er borinn fram. Fyrir þennan ís notar Linda 20x30 sentímetra form.

Hráefni

  • 200 ml saltkaramella
  • 100 g pekanhnetur
  • 2 msk. sykur
  • 6 eggjarauður
  • 170 g púðursykur
  • 1 tsk. vanillusykur
  • 500 ml rjómi
Ís Lindu Ben er fallegur á veisluborðið.Linda Ben

Aðferð

  1. Útbúið saltkaramelluna og leggið til hliðar.
  2. Saxið því næst pekanhneturnar niður og ristið þær á pönnu upp úr sykri í þrjár til fimm mínútur. eða þar til þær eru byrjaðar að brúnast.
  3. Þeytið eggjarauður þar til þær eru orðnar orðin ljósgular, þykkar.
  4. og mynda borða. Bætið púðursykrinum saman við ásamt vanillusykrinum og þeytið áfram.
  5. Þeytið rjóma í annarri skál og bætið varlega út í eggjablönduna með sleikju ásamt ristuðu pekanhnetunum.
  6. Brjótið smjörpappír vandlega ofan í 20x30 cm form, hellið ísnum ofan í formið og sléttið.
  7. Hellið saltkaramellunni yfir í mjórri bunu og dreifið úr henni með hníf.
  8. Lokið forminu með plastfimu og frystið í um 12 klukkustundir. eða lengur.
Uppskriftir Ís Eftirréttir

Tengdar fréttir

Hvít klessukaka að hætti Lindu Ben

„Þessi hvíta klessukaka er í stuttu máli alveg tryllt og ein af mínum uppáhalds uppskriftum. Kantarnir eru stökkir en miðjan silkimjúk og klessuleg. Sítrónan og hindberin skapa síðan dásamlega ferskan blæ,“ segir kökusnillingurinn Linda Ben.

Sykurpúðasmákökur Lindu Ben

Linda Ben var að gefa út sína fyrstu uppskiptabók sem nefnist einfaldlega Kökur. Bókin er full af mörgum af vinsælustu uppskriftum matarbloggarans auk spennandi nýjunga.

Linda Ben gefur út sína fyrstu uppskriftabók

Matarbloggarinn og áhrifavaldurinn Linda Ben ætlar að bæta bók í jólabókaflóðið í ár. Linda er mikill matgæðingur en í bókinni verður áherslan á kökur. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.