„Þetta er nokkurs konar óður til vina minna”

Komið er út nýtt myndband við lagiðHere´s Hoping (Pop the glocken) með DuCre, sem er listamannsnafn Árna Húma Aðalsteinssonar. Lagið er þriðja lagið af væntanlegri plötu DuCre, ÓrÓ, sem kemur út 27. nóvember. 

Myndbandinu var leikstýrt af Öldu Valentínu Rós og skotið af Róbert Magnússyni og í aðalhlutverki er hinn upprennandi leikkkona Natasha Ísey Karimsdóttir.

„Lagið er eitt af mínum uppáhalds á plötunni þar sem þetta er síðasta lagið sem ég samdi á hana í Berlín áður en ég flutti aftur til Reykjavíkur. Ég hafði búið þar í tvö ár og hugsaði lagið sem nokkurs konar óðs til vina minna sem búa þar og þeirra minninga sem við höfðum deilt, en með það að leiðarljósi að við myndum sjást aftur sem fyrst, þegar aðstæður leyfðu.“

Undirtitillinn á laginu kemur frá þeirri staðreynd að DuCre mun sennilega aldrei skíra lag Pop The Gat eða Pop The Glock en hann segir að í þessu tilfelli gat hann skýrt það „Glocken” sem er þýska orðið yfir bjöllur sem eru allsráðandi í laginu.

Lagið er einnig komið á Spotify. Hægt er að fylgjast nánar með DuCre á Facebook og Instagram.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.