Mugison nýr rokkstjóri Aldrei fór ég suður Sunna Kristín Hilmarsdóttir skrifar 12. nóvember 2020 08:41 Örn Elías Guðmundsson, betur þekktur sem Mugison, er nýr rokkstjóri Aldrei fór ég suður. Aldrei fór ég suður Tónlistarmaðurinn Örn Elías Guðmundsson, betur þekktur sem Mugison, hefur verið ráðinn sem næsti rokkstjóri tónlistarhátíðarinnar Aldrei fór ég suður sem haldin er um páskana ár hvert á Ísafirði. Þetta kemur fram í tilkynningu frá hátíðinni. Mugison tekur við keflinu af Kristjáni Frey sem hefur verið rokkstjóri undanfarin fjögur ár. Mugison er einn þeirra sem efndu til fyrstu tónlistarveislunnar undir merkjum Aldrei fór ég suður árið 2004. Hátíðin fagnar því sautján ára afmælinu næsta vor þegar 18. hátíðin fer fram. „Aldrei fór ég suður var haldin með óhefðbundnu sniði í ár vegna heimsfaraldursins en þótti hátíðarhöldurum takast vel til að bregðast við aðstæðum og búa til skemmtilega dagskrá sem landsmenn gátu fylgst með heim í stofu. Á hátíðinni í ár komu fram um tuttugu hljómsveitir, tónlistarkonur og -menn úr ýmsum áttum. Helgast hátíðin einna helst að því að teflt er fram landsþekktu tónlistarfólki í bland við hæfileikafólk heiman úr héraði og hafa rúmlega 400 tónlistaratriði stigið á stokk fyrir vestan um páskana frá upphafsárinu. Meðal þeirra sem komu fram í ár og buðu upp á ógleymanleg framlög voru Eivör, Moses Hightower, Snorri Helga og Saga Garðars, Dóra Wonder, Lay Low og Árný Margrét. Fráfarandi rokkstjórinn Kristján Freyr hefur verið ráðinn sem framkvæmdastjóri Íslensku tónlistarverðlaunanna og mun einnig sjá um dagskrá í tilefni Dags íslenskrar tónlistar sem verður 1. desember næstkomandi. Kristján Freyr mun þó áfram starfa við hlið nýs rokkstjóra, innan Aldrei fór ég suður nefndarinnar, ásamt rokkstjórum fyrri ára og góðum hópi vestfirsks ástríðufólks um tónlistarmenningu. Rokkstjórn Aldrei fór ég suður vill nota tækifærið og þakka Kristjáni Frey fyrir ómetanlegt og óeigingjarnt framlag til hátíðarinnar og um leið óska honum velfarnaðar á nýjum vettvangi,“ segir í tilkynningu. Aldrei fór ég suður Ísafjarðarbær Vistaskipti Tónlist Mest lesið Typpi í einu gati, tæki í öðru Lífið Fleiri Eurovision-farar vilja Ísrael úr keppni Lífið Daði Freyr og Árný keyptu einbýli á 86 milljónir Lífið Þau allra nettustu á Met Gala Tíska og hönnun Var ekki beðinn um að skrifa meira á RÚV eftir pistilinn 2022 Lífið Ný stikla úr GTA VI Lífið Klækir, prettir og kardínálaklíkur í páfakjöri Gagnrýni Björgólfur og Kristín í fimmtugsafmæli Beckham Lífið Eitt merkilegasta verk 21. aldarinnar á Íslandi Menning Verzló vann MORFÍs Lífið Fleiri fréttir Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira
Tónlistarmaðurinn Örn Elías Guðmundsson, betur þekktur sem Mugison, hefur verið ráðinn sem næsti rokkstjóri tónlistarhátíðarinnar Aldrei fór ég suður sem haldin er um páskana ár hvert á Ísafirði. Þetta kemur fram í tilkynningu frá hátíðinni. Mugison tekur við keflinu af Kristjáni Frey sem hefur verið rokkstjóri undanfarin fjögur ár. Mugison er einn þeirra sem efndu til fyrstu tónlistarveislunnar undir merkjum Aldrei fór ég suður árið 2004. Hátíðin fagnar því sautján ára afmælinu næsta vor þegar 18. hátíðin fer fram. „Aldrei fór ég suður var haldin með óhefðbundnu sniði í ár vegna heimsfaraldursins en þótti hátíðarhöldurum takast vel til að bregðast við aðstæðum og búa til skemmtilega dagskrá sem landsmenn gátu fylgst með heim í stofu. Á hátíðinni í ár komu fram um tuttugu hljómsveitir, tónlistarkonur og -menn úr ýmsum áttum. Helgast hátíðin einna helst að því að teflt er fram landsþekktu tónlistarfólki í bland við hæfileikafólk heiman úr héraði og hafa rúmlega 400 tónlistaratriði stigið á stokk fyrir vestan um páskana frá upphafsárinu. Meðal þeirra sem komu fram í ár og buðu upp á ógleymanleg framlög voru Eivör, Moses Hightower, Snorri Helga og Saga Garðars, Dóra Wonder, Lay Low og Árný Margrét. Fráfarandi rokkstjórinn Kristján Freyr hefur verið ráðinn sem framkvæmdastjóri Íslensku tónlistarverðlaunanna og mun einnig sjá um dagskrá í tilefni Dags íslenskrar tónlistar sem verður 1. desember næstkomandi. Kristján Freyr mun þó áfram starfa við hlið nýs rokkstjóra, innan Aldrei fór ég suður nefndarinnar, ásamt rokkstjórum fyrri ára og góðum hópi vestfirsks ástríðufólks um tónlistarmenningu. Rokkstjórn Aldrei fór ég suður vill nota tækifærið og þakka Kristjáni Frey fyrir ómetanlegt og óeigingjarnt framlag til hátíðarinnar og um leið óska honum velfarnaðar á nýjum vettvangi,“ segir í tilkynningu.
Aldrei fór ég suður Ísafjarðarbær Vistaskipti Tónlist Mest lesið Typpi í einu gati, tæki í öðru Lífið Fleiri Eurovision-farar vilja Ísrael úr keppni Lífið Daði Freyr og Árný keyptu einbýli á 86 milljónir Lífið Þau allra nettustu á Met Gala Tíska og hönnun Var ekki beðinn um að skrifa meira á RÚV eftir pistilinn 2022 Lífið Ný stikla úr GTA VI Lífið Klækir, prettir og kardínálaklíkur í páfakjöri Gagnrýni Björgólfur og Kristín í fimmtugsafmæli Beckham Lífið Eitt merkilegasta verk 21. aldarinnar á Íslandi Menning Verzló vann MORFÍs Lífið Fleiri fréttir Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira