Fékk sjokk þegar hún sá hver var að syngja

Nokkuð ótrúlegt atvik átti sér stað í blindu áheyrnaprufunum í bandarísku útgáfunni af The Voice á dögunum.

Þar mætti einstaklingur og flutti lag Ellu Fitzgerald, Misty. Sá heitir John Holiday en það var alveg ljóst að dómararnir fjórir voru vissir um að það væri kona að syngja fyrir aftan þau.

Ótrúleg rödd og eflaust fáir karlmenn í heiminum sem komast eins hátt og Holiday.

Kelly Clarkson vildi ólm vinna með Holiday en John Legend ýtti aftur á móti á sérstakan takka á dómaraborðinu og blokkaði hana frá því að þjálfa söngvarann.

Magnaður flutningur sem sjá má hér að neðan og einnig umræðuna um söngvarann.