Sunneva segir frá skrýtnustu lygasögunum

Sunneva Einarsdóttir og Birta Líf Ólafsdóttir byrjuðu með hlaðvarpsþáttinn Teboðið á dögunum.

Sunneva er einn allra vinsælasti áhrifavaldur landsins og er hún með yfir 45 þúsund fylgjendur á Instagram og er Birta Líf einnig nokkuð vinsæl á þeim vettvangi.

Í þáttunum ræða þær um slúðrið í hinum stóra Hollywood heimi en í nýjasta þættinum var aftur á móti aðeins önnur stefna tekin og svöruðu þær spurningum sem aðdáendur þeirra höfðu sent inn.

Spurningar á borð við hvaða lítaaðgerðir þær hafa farið í? við hvað vinna þær? hvenær var fyrsti kossinn þeirra? hvaða heimsfrægi karlmaður þær eru skotnar í? og fleiri spurningar.

En ein spurning vakti sérstaka athygli og var hún, skrýtnasta lygasagan sem þið hafið heyrt um ykkur?

„Úff ég hef heyrt svo margar um mig,“ segir Sunneva Einarsdóttir og heldur áfram.

„Það kom einu sinni saga um að ég væri á sterum. Þetta kemur oft frá ungu fólki sem bara veit ekki betur. Fólk vill alltaf trúa því versta upp á mann og halda að maður geti ekki fengið six pack nema það sé eitthvað ónáttúrulegt. Ég hef lent í svo mörgu.“

Sunneva heyrði einnig einn daginn þá lygasögu að hún hefði látið fjarlægja úr sér rifbein til að líta betur út.

Hér að neðan má sjá þáttinn í heild sinni.