Innlit á heimili Rainn Wilson og Holiday Reinhorn

Á YouTube-rásinni Architectural Digest má reglulega finna myndbönd þar sem þekkt fólk leyfir áhorfendum að kíkja í heimsókn og sjá heimili þeirra.

Að þessu sinni var komið að því að líta við hjá leikaranum Rainn Wilson og eiginkonu hans Holiday Reinhorn sem hafa komið sér vel fyrir í fallegu og gamaldags húsi í Suður-Kaliforníu.

Wilson er án efa þekktastur fyrir hlutverk sitt í bandarísku útgáfunni af The Office en hann lék í þáttunum á árunum 2005-2013.

Þau hjónin eiga vægast sagt frumleg gæludýr sem fá að hlaupa um í bakgarðinum.

Einnig má sjá skemmtilegar myndir af Wilson í karakternum sínum sem Dwight Schrute í The Office í húsinu.