Svona nýtir þú afgangana ef þú eldar of mikið af fiski

Matreiðslumaðurinn Davíð Örn Hákonarson er einstaklega sniðugur þegar kemur að því að nýta hráefnið sem til er á heimilinu og spornað við matarsóun í framhaldinu. Í þáttunum Allt úr engu á Stöð 2 fjallar hann um allt sem tengist mat og heimsækir áhugavert fólk. Hann eldar með þessum einstaklingum frábærar máltíðir með því að nýta það sem er nú þegar til í ísskápnum og í eldhússkápum viðkomandi.

Eitt af ráðunum sem Davíð Örn gefur í þætti kvöldsins er varðandi það að nýta fisk daginn eftir, ef þú eldaðir of mikið af honum fyrir kvöldmatinn. Einfalt, bragðgott salat sem dregur auðvitað úr matarsóun heimilisins líka. 

Uppskrift og aðferð má sjá í spilaranum hér fyrir neðan en í þætti kvöldsins heimsækir Davíð Örn leikkonuna Birnu Rún Eiríksdóttur.