Hólmar Örn tryggði ís­lenskan sigur er fimm léku sinn fyrsta lands­leik

Íslenska karlalandsliðið í fótbolta vann 1-0 sigur á Kanada er liðin mættust í æfingaleik í Bandaríkjunum í nótt.

Ekki er um alþjóðlegan landsleikjadag að ræða svo ekki voru margir fastamenn í íslenska liðinu.

Byrjunarlið Íslands gegn Kanada.  ISL starting line up vs Canada, friendly match played in Orange County, CA.#fyririslandpic.twitter.com/5Nb1uDhbbv

— Knattspyrnusambandið (@footballiceland) January 16, 2020

Fyrsta og eina mark leiksins kom á 21. mínútu. Eftir hornspyrnu íslenska liðsins ákvað markmaður Kanada að fara í skógarúthlaup.

Hólmar Örn Eyjólfsson þakkaði pent fyrir sig og skoraði sitt annað landsliðsmark. Lokatölur 1-0.

Daníel Leó Grétarsson, Höskuldur Gunnlaugsson, Stefán Teitur Þórðarson, Alfons Sampsted og Bjarni Mark Antonsson léku allir sinn fyrsta landsleik.

Nokkrar myndir úr vináttuleik Kanada og Íslands, sem fram fór í Kaliforníu í Bandaríkjunum. Pictures from the Orange County, USA friendly between Canada and Iceland. pic.twitter.com/B8h2SlBPP9

— Knattspyrnusambandið (@footballiceland) January 16, 2020

Ísland mætir svo El Salvador á aðfaranótt mánudags.