Gullhnappurinn hans eftir magnþrunginn ljóðaflutning

Brandon Leake mætti á dögunum í áheyrnaprufu í skemmtiþáttunum America´s Got Talent og fór heldur betur óhefðbundna leið.

Þetta er fimmtánda þáttaröðin af America´s Got Talent og í fyrsta skipti sem keppandi mætir og flytur ljóð.

Aðeins dómarar og starfsmenn þáttarins voru í salnum vegna útbreiðslu kórónuveirunnar í Bandaríkjunum en Leake náði samt sem áður að heilla dómnefndina upp úr skónum.

Hann flutti ljóð sem fjallaði um yngri systur hans sem lést langt fyrir aldur fram og snerti ljóðið heldur betur við dómnefndinni. Svo mikið að Howie Mandel ýtti á gullhnappinn eins og sjá má hér að neðan.