Fjallið selur parhúsið í Austurkór

Aflraunamaðurinn og leikarinn Hafþór Júlíus Björnsson hefur sett fallegt parhús í Austurkór í Kópavogi á sölu. 

Hafþór hefur búið í húsinu í nokkur ár en hann er í sambandi með Kelsey Henson og eiga þau von á sínu fyrsta barni saman.

Eignin er á einni hæð innst í botnlanga við jaðar náttúrunnar við Austurkór.

Fallegur garður með skjólgirðingu, hellum og grasi, heitum og köldum potti, útisturtu og fylgir niðurgrafið trampólín með í kaupunum.

Húsið er 150 fermetrar að stærð og eru þar þrjú svefnherbergi og eitt baðherbergi. Ásett verð er 81,9 milljónir en fasteignamatið er 69,4 milljónir. Húsið í Austurkór var byggt árið 2014.

Hér að neðan má sjá myndir af eign Fjallsins.