Búðu til þitt eigið páskaegg

Nú þegar páskahátíðin er handan við hornið er við hæfi að huga að blessuðum páskaeggjunum. Þau má fá í ótal stærðum og gerðum í öllum betri verslunum landsins. Þau sem hafa ekki áhuga á því geta alltaf búið til sitt eigið.

Halldór Kristján Sigurðsson, bakari og konditor, heimsótti Bítið á dögunum og kenndi þeim Heimi Karlssyni og Sindra Sindrasyni einmitt að búa til sín eigin páskaegg.

Hann fór í smáatriðum yfir allt það sem þarf að hafa í huga við páskaeggjagerð, allt frá því að tempra súkkulaðið í upphafi og þangað til að það var mulið mélinu smærra í lokin.

Hér að neðan má sjá kennslustund Halldórs. Meðfram henni lék Björn Thoroddsen ljúfa tóna, sem jafnframt má hlýða á í spilaranum.