Ezekiel Carl setur tóninn fyrir sumarið

Tónlistarmaðurinn Ezekiel Carl frumsýnir í dag nýtt myndband á Vísi við sumarsmellinn sinn Líður svo vel sem kom út í síðustu viku. Lagið er annað lag af komandi breiðskífu hans sem er væntanleg í sumar.

Uppruni lagsins átti sér stað í hljóðveri Ezekiel snemma á árinu þar sem heildarmynd lagsins varð til, síðan tók Pálmi Ragnar Ásgeirsson úr teyminu StopWaitGo við og þeir kláruðu lagið saman.

Fyrr á árinu samdi Ezekiel við Alda Music um útgáfu á komandi plötunni.

„Þetta lag hefur aðeins einn tilgang og það er að láta fólki líða vel og koma sér í sumarfílinginn, ef það skilar sér til fólks þá er markmiði mínu náð,“ segir Ezekiel Carl.

Myndbandið við Líður svo vel má sjá hér að neðan en Arnar Guðni Jónsson leikstýrði því.