Eva Laufey fagnaði útgáfu þriðju bókar sinnar

Eva Laufey Kjaran Hermannsdóttir gaf á dögunum út bókina Í eldhúsi Evu. Hún hélt útgáfuhóf á Vinnustofu Kjarvals og auðvitað var gestum boðið upp á smakk úr bókinni. Þetta er þriðja bók Evu Laufeyjar en áður hefur hún gefið út Matargleði Evu og Kökugleði Evu. Í nýju bókinni má finna yfir hundrað uppskriftir að girnilegum réttum fyrir öll tilefni. Uppskriftirnar eru fjölbreyttar og afar aðgengilegar. Það er á allra færi að töfra þær fram.

„Matur er ekki bara matur í mínum augum heldur er hann sameiningartákn fjölskyldu og vina. Eldamennskan er eins og allt annað; ef maður sýnir henni ást og umhyggju þá er líklegt að útkoman verði stórgóð, segir Eva Laufey.“ 

Í albúminu hér fyrir neðan má sjá nokkrar vel valdar myndir frá þessum viðburði.