Körfubolti

Stærsta tap Íslandsmeistara í efstu deild

Ingvi Þór Sæmundsson og Óskar Ófeigur Jónsson skrifa
Matthías Orri og félagar í KR fengu útreið gegn Stjörnunni í gær.
Matthías Orri og félagar í KR fengu útreið gegn Stjörnunni í gær. vísir/bára
Tap KR á móti Stjörnunni með 43 stigum í gær, 110-67, er langstærsta tap Íslandsmeistara í sögu úrvalsdeildar karla í körfubolta (1978-2019). Gamla metið var 26 stiga tap tveggja meistaraliða, Grindavík 1997 og KR 2011.

KR, sem hefur orðið Íslandsmeistari sex ár í röð, sá aldrei til sólar gegn Stjörnunni í Garðabænum í gær. Á endanum munaði 43 stigum á liðunum, 110-67. Þetta var fjórða tap KR í síðustu fimm leikjum sínum.

KR sló því met ÍR frá 1977 yfir stærstu töp Íslandsmeistara í körfubolta karla. ÍR tapaði með 38 stiga mun á móti Val 13. nóvember 1977, 95-57.

ÍR-ingar höfðu þá unnið sjö Íslandsmeistaratitla á níu árum en hafa ekki orðið Íslandsmeistarar síðan.

Stærstu töp ríkjandi Íslandsmeistara í deildarkeppni í sögu úrvalsdeildar 1978-2019:

43 stig - KR á móti Stjörnunni (67-110) 29. nóvember 2019

26 - Grindavík á móti Keflavík (69-95) 17. janúar 1997

26 - KR á móti Grindavík (59-85) 24. nóvember 2011

25 - KR á móti Tindastól (80-105) 2. mars 2018

24 - Njarðvík á móti Keflavík (65-89) 28. október 2001

24 - Keflavík á móti Tindastól (81-105) 15. febrúar 2004

24 - Keflavík á móti Njarðvík (84-108) 30. desember 2005

23 - Snæfell á móti Keflavík (89-112) 17. janúar 2011

23 - Snæfell á móti KR (93-116) 10. mars 2011

Stærstu deildartöp KR-liðsins í Íslandsmeistarasigurgöngunni 2014-2019:

43 stig - á móti Stjörnunni (67-110) 29. nóvember 2019

25 - á móti Tindastól (80-105) 2. mars 2018

18 - á móti Njarðvík (67-85) 9. nóvember 2018

18 - á móti Þór Ak. (65-83) 17. febrúar 2017

16 - á móti Njarðvík (55-71) 4. febrúar 2019

16 - á móti Haukum (66-82) 16. nóvember 2017

15 - á móti Þór Þorl. (75-90) 4. nóvember 2016

15 - á móti Stjörnunni (82-97) 15. desember 2016

Dominos-deild karla

Tengdar fréttir

Björn Kristjánsson: Hrikalega veikt andlega

Björn Kristjánsson var í raun orðlaus eftir 43 stiga tap KR gegn Stjörnunni í Dominos deild karla í kvöld. Hann viðurkenndi að hann ætti í raun engin svör við því sem gerðist í kvöld en KR tapaði 110-67 í Garðabænum. Íslandsmeistararnir hafa nú tapað fjórum af síðustu fimm leikjum sínum. Björn lék 17 mínútur í kvöld, á þeim skilaði hann átta stigum og fimm stoðsendingum.

Hlynur Bærings: Finnst við eiga nóg inni

Hlynur Bæringsson fór að venju mikinn er Stjarnan einfaldlega jarðaði sexfalda Íslandsmeistara KR í Dominos deildinni í kvöld. Lokatölur 110-67 Stjörnunni í vil í ótrúlegum leik í Garðabænum. Hlynur setti 11 stig ásamt því að taka 19 fráköst. Þó Stjarnan sé jöfn Keflavík og Tindastól á toppi deildarinnar er Hlynur ekki á allt sáttur.

Mest lesið


Fleiri fréttir

Sjá meira


×

Mest lesið