Írskur maður kom út­farar­gestum á ó­vart með bráð­fyndinni upp­töku

Ættingjum og vinum Shay Bradley, fyrrverandi hermanns írska hersins, var heldur betur komið á óvart þegar þeir voru viðstaddir útför hans á laugardag í Kilmanagh á Írlandi þegar rödd hins látna ómaði í kirkjugarðinum en kistan var þegar komin í jörðina.

Bradley ákvað að stríða sínum nánustu við útför sína og hafði undirbúið upptöku af sér hrópa á útfarargesti að hleypa sér út úr kistunni. „Hleypið mér út!“ hrópaði hann, en upptakan var spiluð í hátölurum í garðinum.

Útfarargestum var mikið skemmt og ómuðu hlátrasköll, sem eflaust eru ekki daglegt brauð við útfarir.

Atvikið sést í myndskeiðinu hér að neðan