Sjáðu ClubDub the Movie

Sveitin ClubDub hefur slegið rækilega í gegn undanfarin misseri en raftvíeykið Aron Kristinn Jónasson og Brynjar Barkarson mynda teymið.

Þeir félagar hafa gefið út nokkur vinsæl lög hér á landi en fyrr á þessu ári kom út heimildarmynd um drengina.

Nú má sjá myndina í heild sinni á YouTube-síðu ClubDub og er hún yfir fjörutíu mínútna löng.

Það var Vignir Daði Valtýsson sem leikstýrði og yfirframleiðandi var Bergþór Másson.

Hér má sjá myndina í heild sinni en hér að neðan má sjá þegar þeir Aron og Brynjar mættu í Einkalífið á sínum tíma.