Saga Hafliða Arnars heitins sögð í þriðja þættinum af Óminni

Þáttaröðin Óminni hóf göngu sína fyrir tveimur vikum á Stöð 2, en þættirnir eru framleiddir af þeim Kristjáni Erni Björgvinssyni, Sólrúnu Freyju Sen og Eyþóri Gunnlaugssyni.

Þættirnir voru þrír talsins og eiga að veita okkur innsýn inn í íslenskan veruleika ungs fólks sem ánetjast hefur fíkniefnum. Þriðji og síðasti þátturinn var sýndur á Stöð 2 og hér á Vísi í gær.

Í þáttunum er meðal annars fjalla um misnotkun bensódíasepín lyfja og ópíóíða sem hefur farið stigvaxandi hjá íslenskum ungmennum, eins og víða í Evrópu og Bandaríkjunum.

Kókaín á Íslandi er orðið sterkara og krakkreykingar hafa orðið útbreiddari vegna þess. Í þættinum er sýnt myndefni af ýmiskonar ólöglegri vímuefnaneyslu.

Í þættinum í gær var meðal annars farið yfir sögu Hafliða Arnars Bjarnasonar sem lést árið 2017 og Steindórs Smára Sveinssonar og Einars Darra Óskarssonar sem kvöddu þennan heim í fyrra.

Rætt er við fjölskyldumeðlimi þeirra í þættinum.

Hér að neðan má sjá þáttinn í heild sinni.