Kjóllinn sem tryggir þér sigur í Miss Universe Iceland

Birta Abiba Þórhallsdóttir var krýnd Miss Universe Iceland í Hljómahöllinni í Reykjanesbæ á laugardagskvöldið. Birta Abiba verður fulltrúi Íslands í keppninni Miss Universe ytra í lok árs.

Keppnin var í beinni útsendingu á Vísi en í fyrra vann Katrín Lea Elenudóttir keppnina og árið þar á undan var það Arna Ýr Jónsdóttir.

Arna Ýr og Birta eiga eitt sameiginlegt og er það að báðar voru þær klæddar í sama kjólinn á í Miss Universe Iceland.

Kjóll sem skilaði þeim báðum sigur í keppninni. Birta Abiba leigði kjólinn af Örnu Ýr fyrir keppnina í ár og borgaði það sig greinilega.

Kjóllinn er hannaður af Sherri Hill sem þykir fær í sínu fagi og þá sérstaklega þegar kemur að því að hanna kjóla fyrir fegurðarsamkeppnir.

Hér að neðan má sjá keppendur koma fram í kjólum og þar smá meðal annars sjá Birtu í kjólnum fræga. 

Hér að neðan má sjá þegar Birta var krýnd Miss Universe Iceland. 

Hér að neðan má sjá viðtal við Birtu sem tekið var strax eftir keppni.