Regína Ósk í Allir geta dansað: Bæði hrædd og spennt á sama tíma

„Þetta leggst rosalega vel í mig, en ég er spennt og hrædd á sama tíma,“ segir söngkonan Regína Ósk sem er þriðji keppandinn sem kynntur er til sögunnar í skemmtiþáttunum Allir geta dansað.

„Held ég sé ágæt í hreyfingum en hef aldrei snert samkvæmisdansa. Ég hef farið á nokkur dansnámskeið í gegnum tíðina t.d. magadans og Bollywood og elska að dansa.“

Regína segir að hún viti í raun ekkert hvað hún sé að fara út í.

„Er maður ekki alltaf stressaður ef maður veit ekki alveg hvað maður er að fara út í.“

Hún segist vera með mikið keppnisskap.

„Auðvitað vill maður komast langt, en ég lít á þetta sem frábært tækifæri til að læra eitthvað nýtt og þetta er gott bæði fyrir heilann og líkamann.“