Sprenging í upplýsingaráðuneyti Afganistan

Ráðist var á höfuðstöðvar upplýsingaráðuneytisins í Kabúl, Afganistan, kl 11:40 í morgun að staðartíma. Bæði varð sprenging talsmaður ráðuneytisins sagði að til skotátaka hafi komið milli árásarmannanna og öryggisvarða ráðuneytisins. BBC greindi frá málinu.

Enn hefur enginn tekið ábyrgð á árásinni.

Sprengingin gerðist á svæði þar sem mikill fólksfjöldi er og í nágrenni er eitt vinsælasta hótel borgarinnar, sem og forsetahöllin.

Aðeins einn dagur er liðinn síðan flosnaði upp úr viðræðum Talíbana og Afgönsku ríkisstjórnarinnar.

Staðfest hefur verið af stjórnvöldum í Kabúl að minnst 7 manns dóu í árásinni og 8 voru fluttir á sjúkráhús.

Yfirvöld hafa gefið út að árásarmennirnir voru fjórir en þeir voru allir skotnir til bana af lögreglu. Um 2.000 manns sátu föst inni í byggingunni í einhverja klukkutíma en hefur nú verið komið út.

Talsmaður Talíbana, Zabiullah Mujahid, sagði samtökin ekki standa bak við árásina, en árásir frá afgönsku grein Íslamska ríkisins hafa færst í aukana á síðustu vikum, sem margar hverjar hafa verið banvænar.

Fréttin hefur verið uppfærð með tölu um hina látnu.