Heimalagað páskanammi að hætti Evu Laufeyjar Eva Laufey Kjaran skrifar 15. apríl 2019 12:00 Eva þekkir súkkulaði nokkuð vel. Á föstudaginn var Ísland í dag tileinkaður súkkulaði en það styttist í páskana sem þýðir aðeins eitt, súkkulaðiátið er handan við hornið. Eva Laufey heimsótti Omnom sem er lítil súkkulaðigerð í Reykjavík og framleiðir handgert súkkulaði og nýjasta afurðin eru súkkulaði kanínur fyrir páskana. Þar hitti hún Kjartan Gíslason sem er kokkur og jafnframt einn af stofnendum Omnom og fékk að skyggnast á bakvið tjöldin í súkkulaðigerðinni. Kjartan var mjög áhugasamur um það hvernig súkkulaði væri til og það var kveikjan að Omnom og fékk hann æskuvin sinn hann Óskar til liðs við sig og saman tóku þeir að afla sér úrvals kakóbauna. Súkkulaðiævintýrið hófst heima hjá Kjartani þar sem þeir byrjuðu að mala baunir og búa til súkkulaði. Svo færðu þeir sig yfir í yfirgefna bensínstöð á Seltjarnarnesi sem þeir gerðu upp og bjuggu til litla súkkulaðiverksmiðju þar sem þeir prófuðu sig áfram, gerðu tilraunir og drukku óhóflega mikið af kaffi að eigin sögn þar til fyrsta súkkulaðið þeirra varð til og þar með Omnom í leiðinni. Umbúðirnar hjá Omnom hafa vakið mikla eftirtekt en hún er í senn afar litrík og skemmtileg, sker sig svolítið frá öðrum súkkulaðitegundum á markaði. Hér að neðan má sjá innslagið og þar fyrir neðan má sjá hvernig maður reiðir fram dýrindis páskanammi að hættu Evu Laufeyjar. UPPSKRIFT 30 g smjör 220 g súkkulaði t.d. suðusúkkulaði 260 ml rjómi 3 stk egg 2 msk sykur 1 tsk vanillu extrakt (eða vanillusykur) Aðferð:Bræðið smjör og súkkulaði við vægan hita í potti. Hellið súkkulaðiblöndunni í skál og blandið þremur eggjarauðum saman við. Kælið blönduna Þeytið rjóma og bætið að því loknu súkkulaðiblöndunni saman við í þremur hlutum. Leggið blönduna. Stífþeytið eggjahvíturnar og bætið sykrinum smátt og smátt saman við. Hrærið eggjahvítublönduna mjög varlega samanvið súkkulaðiblönduna með sleikju, hrærið vanillu út í að lokum. Skiptið súkkulaðimúsinni niður í falleg glös eða skálar og geymið í kæli í lágmark 3 klukkustundir áður en þið berið hana fram. Eftirréttir Eva Laufey Páskar Uppskriftir Mest lesið „Gæti skrifað bókaseríu um vandræðileg stefnumót“ Makamál Laufey Lín skartaði íslenska fánanum á Coachella Lífið Viðar Örn og Sylvía Rós eiga von á barni Lífið Hjartaknúsarinn tileinkaði íslenskri fyrirsætu rómantískan slagara Lífið Hélt að Sálin hafi hvatt fólk til að horfa til himins með höfuðið hátt Lífið Ósamþykkt kjallaraíbúð á rúmar 44 milljónir Lífið Hugmyndin kviknaði í New York þegar eldgos hófst heima Menning Losnaði við alla fíkn á augabragði: „Því Guð er með skyndilausnir líka“ Áskorun Hátíð sem er skipulögð í kringum yngstu kynslóðina Lífið Taka ákvörðun á hverjum degi að elska hvort annað Lífið
Á föstudaginn var Ísland í dag tileinkaður súkkulaði en það styttist í páskana sem þýðir aðeins eitt, súkkulaðiátið er handan við hornið. Eva Laufey heimsótti Omnom sem er lítil súkkulaðigerð í Reykjavík og framleiðir handgert súkkulaði og nýjasta afurðin eru súkkulaði kanínur fyrir páskana. Þar hitti hún Kjartan Gíslason sem er kokkur og jafnframt einn af stofnendum Omnom og fékk að skyggnast á bakvið tjöldin í súkkulaðigerðinni. Kjartan var mjög áhugasamur um það hvernig súkkulaði væri til og það var kveikjan að Omnom og fékk hann æskuvin sinn hann Óskar til liðs við sig og saman tóku þeir að afla sér úrvals kakóbauna. Súkkulaðiævintýrið hófst heima hjá Kjartani þar sem þeir byrjuðu að mala baunir og búa til súkkulaði. Svo færðu þeir sig yfir í yfirgefna bensínstöð á Seltjarnarnesi sem þeir gerðu upp og bjuggu til litla súkkulaðiverksmiðju þar sem þeir prófuðu sig áfram, gerðu tilraunir og drukku óhóflega mikið af kaffi að eigin sögn þar til fyrsta súkkulaðið þeirra varð til og þar með Omnom í leiðinni. Umbúðirnar hjá Omnom hafa vakið mikla eftirtekt en hún er í senn afar litrík og skemmtileg, sker sig svolítið frá öðrum súkkulaðitegundum á markaði. Hér að neðan má sjá innslagið og þar fyrir neðan má sjá hvernig maður reiðir fram dýrindis páskanammi að hættu Evu Laufeyjar. UPPSKRIFT 30 g smjör 220 g súkkulaði t.d. suðusúkkulaði 260 ml rjómi 3 stk egg 2 msk sykur 1 tsk vanillu extrakt (eða vanillusykur) Aðferð:Bræðið smjör og súkkulaði við vægan hita í potti. Hellið súkkulaðiblöndunni í skál og blandið þremur eggjarauðum saman við. Kælið blönduna Þeytið rjóma og bætið að því loknu súkkulaðiblöndunni saman við í þremur hlutum. Leggið blönduna. Stífþeytið eggjahvíturnar og bætið sykrinum smátt og smátt saman við. Hrærið eggjahvítublönduna mjög varlega samanvið súkkulaðiblönduna með sleikju, hrærið vanillu út í að lokum. Skiptið súkkulaðimúsinni niður í falleg glös eða skálar og geymið í kæli í lágmark 3 klukkustundir áður en þið berið hana fram.
Eftirréttir Eva Laufey Páskar Uppskriftir Mest lesið „Gæti skrifað bókaseríu um vandræðileg stefnumót“ Makamál Laufey Lín skartaði íslenska fánanum á Coachella Lífið Viðar Örn og Sylvía Rós eiga von á barni Lífið Hjartaknúsarinn tileinkaði íslenskri fyrirsætu rómantískan slagara Lífið Hélt að Sálin hafi hvatt fólk til að horfa til himins með höfuðið hátt Lífið Ósamþykkt kjallaraíbúð á rúmar 44 milljónir Lífið Hugmyndin kviknaði í New York þegar eldgos hófst heima Menning Losnaði við alla fíkn á augabragði: „Því Guð er með skyndilausnir líka“ Áskorun Hátíð sem er skipulögð í kringum yngstu kynslóðina Lífið Taka ákvörðun á hverjum degi að elska hvort annað Lífið