Neyðarsjóður SÞ leggur fram fjármagn til hamfarasvæðanna í sunnanverðri Afríku Heimsljós kynnir 20. mars 2019 13:30 Ljósmynd frá Mósambík. WFP/Photolibrary Óttast er um afdrif þúsunda íbúa þriggja ríkja í sunnanverði Afríku eftir hamfarirnar af völdum fellibylsins Idai í lok síðustu viku. Mósambíska hafnarborgin Beira varð verst úti þegar fellibylurinn Idai lagði borgina nánast í rúst. Óttast er að tala látinna eigi eftir hækka mikið næstu daga. Fellibylurinn olli líka manntjóni í Simbabve, Malaví og víðar í sunnanverðri álfunni. Þriggja daga þjóðarsorg hefur verið lýst yfir í Mósambík. Mark Lowcock mannúðarstjóri Sameinuðu þjóðanna tilkynnti í morgun að Neyðarsjóður SÞ (CERF) myndi leggja fram 20 milljónir bandarískra dala til hjálparstarfs á neyðarsvæðunum. Í dag, fimm dögum eftir versta óveðrið, er fólk enn fast uppi á þökum húsa eða upp í trjám, og víða er erfitt að koma hjálpargögnum til fólks vegna flóða. Samgöngur hafa líka farið úr skorðum því vegir og brýr hafa skemmst. Fellibylurinn Idai er einn versti hitabeltisstormur sem sögur fara af í Afríku. Þegar hefur verið upplýst að rúmlega fjögur hundrað manns hafi látist af völdum veðurofsans og flóðanna sem fylgdu í kjölfarið. Hundruð íbúa á hamfarasvæðunum er saknað, flestra í Beira og nágrenni en íbúar borgarinnar eru um hálf milljón. Samkvæmt nýjustu tölum eru flestir látnir í Mósambík, 268, í Simbabve 98, í Malaví 56, 7 í Suður-Afríku og 3 á Madagaskar. Talið er ein og hálf milljón íbúa í þessum heimshluta hafi orðið illa úti í hamförunum. Barnahjálp Sameinuðu þjóðanna (UNICEF) telur að helmingur þeirra séu börn sem þurfi á tafarlausri aðstoð að halda. Að mati Rauða krossins hafa um 400 þúsund manns misst heimili sín. Neyðarsjóður Sameinuðu þjóðanna (CERF) var stofnaður 2006 til að gera SÞ meðal annars kleift að bregðast hratt við neyðarástandi. Fast framlag Íslendinga til sjóðsins er 50 milljónir króna árlega.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent „Það er ódýrast og best og fljótlegast að kála þessum dýrum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent
Óttast er um afdrif þúsunda íbúa þriggja ríkja í sunnanverði Afríku eftir hamfarirnar af völdum fellibylsins Idai í lok síðustu viku. Mósambíska hafnarborgin Beira varð verst úti þegar fellibylurinn Idai lagði borgina nánast í rúst. Óttast er að tala látinna eigi eftir hækka mikið næstu daga. Fellibylurinn olli líka manntjóni í Simbabve, Malaví og víðar í sunnanverðri álfunni. Þriggja daga þjóðarsorg hefur verið lýst yfir í Mósambík. Mark Lowcock mannúðarstjóri Sameinuðu þjóðanna tilkynnti í morgun að Neyðarsjóður SÞ (CERF) myndi leggja fram 20 milljónir bandarískra dala til hjálparstarfs á neyðarsvæðunum. Í dag, fimm dögum eftir versta óveðrið, er fólk enn fast uppi á þökum húsa eða upp í trjám, og víða er erfitt að koma hjálpargögnum til fólks vegna flóða. Samgöngur hafa líka farið úr skorðum því vegir og brýr hafa skemmst. Fellibylurinn Idai er einn versti hitabeltisstormur sem sögur fara af í Afríku. Þegar hefur verið upplýst að rúmlega fjögur hundrað manns hafi látist af völdum veðurofsans og flóðanna sem fylgdu í kjölfarið. Hundruð íbúa á hamfarasvæðunum er saknað, flestra í Beira og nágrenni en íbúar borgarinnar eru um hálf milljón. Samkvæmt nýjustu tölum eru flestir látnir í Mósambík, 268, í Simbabve 98, í Malaví 56, 7 í Suður-Afríku og 3 á Madagaskar. Talið er ein og hálf milljón íbúa í þessum heimshluta hafi orðið illa úti í hamförunum. Barnahjálp Sameinuðu þjóðanna (UNICEF) telur að helmingur þeirra séu börn sem þurfi á tafarlausri aðstoð að halda. Að mati Rauða krossins hafa um 400 þúsund manns misst heimili sín. Neyðarsjóður Sameinuðu þjóðanna (CERF) var stofnaður 2006 til að gera SÞ meðal annars kleift að bregðast hratt við neyðarástandi. Fast framlag Íslendinga til sjóðsins er 50 milljónir króna árlega.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent „Það er ódýrast og best og fljótlegast að kála þessum dýrum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent