Capers í eins leiks bann

Kevin Capers missir af leik tvö í rimmu ÍR og Njarðvíkur í 8-liða úrslitum Domino's deildar karla, aga- og úrskurðarnefnd KKÍ dæmdi hann í eins leiks bann í kvöld.

Capers fékk brottrekstrarvillu í þriðja leikhluta fyrsta leik liðanna í Njarðvík á fimmtudag fyrir að slá í Njarðvíkinginn Jón Arnór Sverrisson.

Capers hefur verið á meðal bestu manna ÍR síðan hann kom til liðs við Breiðhyltinga.

ÍR tapaði fyrsta leiknum 76-71 og er því undir í einvíginu. Leikur tvö verður í Seljaskóla annað kvöld.