Karen og Hannes vilja 75 milljónir fyrir einbýlishúsið í Garðabænum

Fjölmiðlakonan Karen Kjartansdóttir, framkvæmdastýra Samfylkingarinnar, og eiginmaður hennar, Hannes Ingi Geirsson, íþróttafræðingur, hafa sett hús sitt við Melás 2 í Garðabæ á söluskrá.

DV.is greinir fyrst frá en um er að ræða fallegt einbýlishús í góðu hverfi en stærð eignarinnar er um tvö hundruð fermetrar.

Húsið stendur á 800 fermetra lóð og er heitur pottur á palli fyrir utan húsið sem er tveggja hæða auk bílskúrs.

Ásett verð er 74,9 milljónir en í húsinu eru fjögur svefnherbergi og tvö baðherbergi.

Fasteignamat eignarinnar er rúmlega 71 milljón en hér að neðan má sjá myndir úr eigninni í Garðabæ.