Hjörtur Hermannsson gæti verið að fá meiri samkeppni um miðvarðarstöðuna hjá danska félaginu Bröndby en Ekstra Bladet greindi frá þessu fyrr í dag.
Bröndby er að skoða möguleg kaup á varnarmanninum Frederik Sørensen sem leikur með þýska B-deildarliðinu, FC Köln. Hann er 26 ára Dani.
Það er þó ekki alveg klárt að Sørensen gangi í raðir Bröndby því hann er á samning hjá Köln sem er afar veglegur. Bröndby á því erfitt með að borga þau laun sem Sørensen vill.
Sørensen hefur spilað með Köln frá því 2015 en þar áður hafði hann verið á mála hjá Juventus, Bologna og Hellas Verona. Hann hefur spilað einn landsleik fyrir Danmörku.
Hjörtur hefur ekki verið mikið í náðinni á þessu tímabili hjá Alexander Zorninger, þýskum þjálfara liðsins. Hann hefur komið við sögu í átta leikjum af tuttugu í dönsku úrvalsdeildinni á leiktíðinni en Bröndby er í þriðja sæti deildarinnar.
Hjörtur að fá aukna samkeppni hjá Bröndby?
Anton Ingi Leifsson skrifar

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn



Magnaður Sigvaldi sökkti Magdeburg
Handbolti

„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

