Fannar skammar: Þetta er eins og mamma að skjóta körfubolta

Einn uppáhaldsliður margra í Domino's Körfuboltakvöldi er Fannar skammar. Fannar Ólafsson var mættur í settið í gærkvöldi og hann lét menn heldur betur heyra það.

Mennirnir á bak við tjöldin breyttu aðeins til og höfðu Fannar skammar liðaskipt í þetta skiptið.

Fannar fór á kostum í að skamma menn eins og svo oft áður.

„Ég er ekki fylgjandi líkamlegu ofbeldi, en ef ég hefði verið með písk,“ og „þetta er eins og mamma að skjóta körfubolta,“ sagði Fannar meðal annars í eldræðu sinni.

Þetta skemmtilega myndband má sjá hér að neðan.