Fólk á flótta Davíð Þorláksson skrifar 19. desember 2018 07:00 Það er við hæfi á aðventunni að huga að þeim sem hafa það ekki jafn gott og við. Flóttamannastofnun SÞ telur að aldrei hafi fleiri verið þvingaðir á flótta árið 2016, eða 68,5 milljónir. Þetta er eitt stærsta vandamálið sem heimsbyggðin stendur frammi fyrir. Okkur sem getum verið heima hjá okkur ber skylda til að leggja okkar af mörkum og taka vel á móti þeim sem við getum. Það skemmir heldur ekki fyrir að rannsóknir sýna að innflytjendur hafa jákvæð áhrif á efnahag þróaðra ríkja. Kanadamenn létu ekki sitt eftir liggja þegar flóttamenn streymdu frá Indókína á 8. áratugnum. Þeir komu á fót kerfi þar sem einkaaðilum bauðst að styrkja flóttamenn til að koma og búa þar í landi. Fyrirtæki eða hópar einstaklinga sem eru í stakk búin til að aðstoða flóttamenn, fjárhagslega og með öðrum hætti, í samstarfi við ríkið stuðla þannig að því að fólk geti skapað sér nýtt líf í Kanada. Síðan þá hafa meira en 200.000 manns fundið sér heimili í Kanada með þessu móti. Kerfið hefur orðið fyrirmynd að, og haft áhrif á, flóttamannastefnu í öðrum Samveldislöndum eins og Bretlandi og Ástralíu. Íslendingar hafa tekið á móti um 695 kvótaflóttamönnum frá árinu 1956. Það eru eflaust ýmsir á því að við gætum vel gert betur hvað þetta varðar. Við getum ef til vill lært af Kanadamönnum hvernig við getum virkjað fólk og fyrirtæki til að leggja sitt af mörkum í þessum málaflokki í stað þess að treysta eingöngu á hið opinbera. Viltu birta grein á Vísi? Sendu okkur póst. Senda grein Birtist í Fréttablaðinu Davíð Þorláksson Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Magga Stína! Helga Völundardóttir Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Transumræðan og ruglið um fjölda kynja Einar Steingrímsson Skoðun Íslenskir flóttamenn - í okkar eigin landi Gunnar Magnús Diego Skoðun Lyftum umræðunni á örlítið hærra plan Jóna Hlíf Halldórsdóttir Skoðun Kæra Epli, skilur þú mig? Lilja Dögg Jónsdóttir Skoðun
Það er við hæfi á aðventunni að huga að þeim sem hafa það ekki jafn gott og við. Flóttamannastofnun SÞ telur að aldrei hafi fleiri verið þvingaðir á flótta árið 2016, eða 68,5 milljónir. Þetta er eitt stærsta vandamálið sem heimsbyggðin stendur frammi fyrir. Okkur sem getum verið heima hjá okkur ber skylda til að leggja okkar af mörkum og taka vel á móti þeim sem við getum. Það skemmir heldur ekki fyrir að rannsóknir sýna að innflytjendur hafa jákvæð áhrif á efnahag þróaðra ríkja. Kanadamenn létu ekki sitt eftir liggja þegar flóttamenn streymdu frá Indókína á 8. áratugnum. Þeir komu á fót kerfi þar sem einkaaðilum bauðst að styrkja flóttamenn til að koma og búa þar í landi. Fyrirtæki eða hópar einstaklinga sem eru í stakk búin til að aðstoða flóttamenn, fjárhagslega og með öðrum hætti, í samstarfi við ríkið stuðla þannig að því að fólk geti skapað sér nýtt líf í Kanada. Síðan þá hafa meira en 200.000 manns fundið sér heimili í Kanada með þessu móti. Kerfið hefur orðið fyrirmynd að, og haft áhrif á, flóttamannastefnu í öðrum Samveldislöndum eins og Bretlandi og Ástralíu. Íslendingar hafa tekið á móti um 695 kvótaflóttamönnum frá árinu 1956. Það eru eflaust ýmsir á því að við gætum vel gert betur hvað þetta varðar. Við getum ef til vill lært af Kanadamönnum hvernig við getum virkjað fólk og fyrirtæki til að leggja sitt af mörkum í þessum málaflokki í stað þess að treysta eingöngu á hið opinbera.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun