Íslenski landsliðsmaðurinn Eggert Gunnþór Jónsson skoraði þegar SonderjyskE tapaði Nordsjælland í dönsku úrvalsdeildinni í fótbolta í dag.
Andreas Olsen kom gestunum í Nordsjælland yfir eftir hálftíma leik og fóru þeir með forystu í leikhlé.
Strax eftir sjö mínútur í síðari hálfleik var Eggert Gunnþór hinsvegar á skotskónum og jafnaði metin fyrir heimamenn. Honum var svo skipt af velli á 82.mínútu en hann hafði áður fengið gult spjald.
Eftir að Eggert var farinn af velli tókst gestunum að tryggja sér öll þrjú stigin því Olsen var aftur á skotskónum á síðustu mínútu venjulegs leiktíma.
Nordsjælland lyfti sér upp fyrir SonderjyskE í töflunni með sigrinum en liðin eru jöfn að stigum í 9.-10.sæti deildarinnar.
Eggert Gunnþór á skotskónum í tapi
Arnar Geir Halldórsson skrifar

Mest lesið






Ný átta sekúndna regla innleidd hér á landi
Íslenski boltinn




Þungarokkarar skemmdu meistarafána Bulls
Körfubolti