Kim segist hafa verið í e-pilluvímu þegar hún gifti sig og gerði kynlífsmyndbandið

Árið 2007 lak út kynlífsmyndband með Kim Kardashian og Ray J á netið og er Kim Kardashian enn spurð út í atvikið sem átti sér stað árið 2003.

Hún tjáir sig um málið í síðasta þætti af Keeping Up with the Kardashians og segir þar að hún hafi reglulega verið í vímu á e-pillum.

„Í fyrsta skipti sem ég gifti mig var ég á e-pillum,“ segir Kim en hún giftist tónlistarframleiðandanum Damon Thomas árið 2000.

„Svo var ég einnig í vímu þegar ég gerði kynlífsmyndbandið. Hélt að það vissu það allir. Kjálkinn á mér var alveg á fullu allt myndbandið.“