Jimmy Butler á leið til Philadelphia 76ers

Jimmy Butler, leikmaður Minnesota Timberwolves í NBA-deildinni er á leiðinni til Philadelphia 76ers.



Adrian Wojnarowski tilkynnti það á Twitter-síðu sinni, og sjaldan hefur hann rangt fyrir sér.



Minnesota munu einnig senda frá sér Justin Patton. Fyrir leikmennina tvo mun Minnesota fá þá Robert Covington, Dario Saric og valsrétt í annarri umferð í nýliðavalinu, ásamt pening.



Butler vildi sjálfur yfirgefa Minnesota í sumar og úr varð mikið fjaðrafok.



Miklar vangaveltur voru um hvert Butler myndi fara, og er hann nú á leið til Philadelphiu, þar sem búist er við að hann skrifi undir langtímasamning næsta sumar.