Gagnrýnir Lagerbäck fyrir að vera alltaf að taka landsliðsfyrirliðann af velli

Norskur fótboltasérfræðingur er ekki ánægður með þá venju Lars Lagerbäck að vera alltaf að taka fyrirliða norska landsliðsins af velli. Hann vill fá nýjan fyrirliða.  

Lars Lagerbäck, fyrrum þjálfari íslenska landsliðsins, tók Aron Einar Gunnarsson, fyrirliða íslenska landsliðsins, nær aldrei af velli en það er aðra sögu að segja af Stefan Johansen.

Stefan Johansen tók við fyrirliðabandinu hjá norska landsliðinu fljótlega eftir að Lagerbäck tók við.

Kypros - Norge klokka 20.45. Starter kaptein Stefan Johansen?https://t.co/z4ZHcDaA2A

— Dagbladet Sport (@db_sport) November 19, 2018

Jesper Mathisen, fótboltasérfræðingur á TV 2, vekur athygli að Stefan Johansen hafi ekki náð að spila allar 90 mínúturnar í einum einasta leik í Þjóðadeildinni.

„Að mínu mati hefur Stefan Johansen leyst þetta hlutverk vel. Það gengur hinsvegar ekki að hafa fyrirliða sem er óöruggur um sæti sitt í liðinu. Þá munu þessa vangaveltur um stöðu hans koma upp aftur og aftur,“ sagði Jesper Mathisen.

„Það að það sé alltaf verið að skipta honum af velli hangir eflaust saman við hans spilatíma með Fulham í ensku úrvalsdeildinni. Það gengur ekki að hafa það þannig til lengdar. Það er mín skoðun að Lars Lagerbäck þjálfari þurfti að finna nýjan fyrirliða sem spilara alla leiki,“ sagði Mathisen.

Stefan Johansen hefur aðeins verið í byrjunarliðinu hjá Fulham í 3 af 12 leikjum en hefur auk þess sex sinnum komið inná sem varamaður.

Hann var tekinn af velli á 57. mínútu í síðasta leik Norðamanna en í leikjunum á undan tók Lars Lagerbäck hann af velli á 78., 80., 62. og 72. mínútu.