Danska stelpan sem grét er Rúnar Alex var seldur hitti sinn mann í Frakklandi

Það muna margir eftir litlu, dönsku stúlkunni sem grét úr sér augun er Rúnar Alex Rúnarsson var seldur frá Nordsjælland til Dijon í Frakklandi. Hún náði að hitta átrúnaðargoð sitt aftur um síðustu helgi.

Þá var henni boðið á leik með Dijon en Nordsjælland og DHL stóðu fyrir þessu átaki í samstarfi við Rúnar Alex og hans félag.

Stúlkan er markvörður eins og Rúnar Alex og hann er hennar helsta fyrirmynd.

Það var því stór stund fyrir stúlkuna að sjá sinn mann í Frakklandi. Innslagið skemmtilega má sjá hér að neðan.