Rosenborg er í ansi góðum málum í toppbaráttu norsku úrvalsdeildarinnar eftir 2-1 sigur á Brann í toppslag í kvöld.
Rosenborg komst í 2-0 með tveimur mörkum með skömmu millibili í fyrri hálfleik, á fjórtándu og sextándu mínútu en Brann minnkaði muninn í síðari hálfleik.
Matthías Vilhjálmsson var ekki í leikmannahópi Rosenborg sem er með fimm stiga forskot á Brann er þrjár umferðir eru eftir. Fátt sem kemur í veg fyrir fjórða norska titil Rosenborg í röð.
Í B-deildinni eru Íslendingar í baráttu um að komast upp í efstu deild. Axel Andrésson lék í vörn Viking sem vann 1-0 sigur á Ull/Kisa á heimavelli.
Viking er nú á toppnum með 55 stig en Mjöndalen er í öðru sæti með 54 stig. Mjöndalen á þó leik til góða en annað Íslendingalið, Álasund, er í þriðja sæti með 53 stig.
Álasund tapaði 2-0 fyrir Sogndal á útivelli í kvöld. Hólmbert Aron Friðjónsson og Aron Elís Þrándarson léku allan leikinn en Daníel Grétarsson kom inn á sem varamaður á 61. mínútu.
Tvær umferðir eru eftir í B-deildinni.
Rosenborg með níu fingur á tiltinum og hörð Íslendingabarátta í B-deildinni
Anton Ingi Leifsson skrifar

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn


Magnaður Sigvaldi sökkti Magdeburg
Handbolti


„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti


„Þú ert að tengja þetta við Rashford“
Enski boltinn