Kýldur í magann en boðar energí og trú Kolbeinn Tumi Daðason í Kabardinka skrifar 23. júní 2018 17:45 Emil Hallfreðsson í fjólubláu varamannavesti hvetur sína menn áfram í leikslok í gær. Menn voru langt niðri eins og íslenska þjóðin. Vísir/Getty Að eiga stórleik, mögulega sinn besta leik með íslenska landsliðinu gegn Argentínu í fyrsta leik á HM í fótbolta. Fyllast sjálfstrausti og líða stórkostlega. Fá svo skilaboðin að þú ert á bekknum í næsta leik. Kemur ekkert við sögu. Kjaftshögg, kýldur í magann. Þau voru örlög Emils Hallfreðssonar. Hafnfirðingurinn var í frábærum gír í Moskvu, náði ró á bolta þegar á þurfti að halda og braut niður fjölmargar sóknir þeirra frá Suður-Ameríku. Hann var að vonum svekktur þegar blaðamaður ræddi við hann eftir 2-0 tapið gegn Nígeríu í Volgograd í gær. „Já, manni finnst náttúrulega aldrei gaman að vera á bekknum,“ sagði Emil. Emil ásamt fjölskyldunni eftir jafnteflið gegn Argentínu. Þá var auðvelt að vera til en nú reynir á strákana hvernig þeir bregðast við mótlætinu.Vísir/Vilhelm Trúaður og flytur inn vín Emil Hallfreðsson er ekki hinn týpíski íslenski landsliðsmaður. Hann snerti lengi vel ekki áfengi fyrr en hann fór að huga að víninnflutningi með eiginkonu sinni Ásu Reginsdóttur. Hann er trúaður fjölskyldufaðir, yfirvegaður og hefur tekið ástfóstri við Ítalíu eftir tæpan áratug í landi pítsu og pasta. Emil er einn þeirra landsliðsmanna sem hefur oft fengið mikla gagnrýni fyrir frammistöðu sína með landsliðinu. Lengi vel var honum plantað á vinstri kantinn, þar sem hann er örvfættur, en honum líður þó langbest á miðjunni. Hann fékk skammir fyrir tveimur árum eftir 1-1 jafntefli gegn Ungverjum í Marseille. Vildu sumir meina að hann hefði sofið á verðinum í aðdraganda jöfnunarmarks Ungverja undir lokin. Emil með boltann í Moskvu. Javier Mascherano liggur í valnum og fyrirliðarnir Aron Einar og Messi fylgjast með Hafnfirðingnum.Vísir/Vilhelm Enginn of stór fyrir bekkinn Enginn hélt vatni yfir frammistöðu hans gegn Argentínu, hvort sem er hans helstu gagnrýnendur eða stuðningsmenn. Hann var frábær, sem var mikilvægt. Aron Einar Gunnarsson landsliðsfyrirliði var að spila sinn fyrsta leik í sjö vikur og fullkomlega óvíst hvernig framlag hans yrði. Emil var frábær og uppskar sæti á varamannabekknum. „Við erum bara þannig lið að það er enginn of stór til að fara á bekkinn. Því miður þurfti ég að gera það í þetta skiptið,“ sagði Emil eftir leik. „Þetta var planað held ég í smá tíma að við yrðum með tvo framherja. Auðvitað var fúlt að verða ekki fyrir valinu að spila þennan leik,“ sagði Emil og nefndi fína frammistöðu í leiknum á undan. Þess vegna hafi bekkjarsetan verið sérstaklega sár. Emil á æfingasvæði landsliðsins ásamt starfsfólki KSÍ, Sebastian Boxleitner fitnessþjálfara og Arnóri Ingva Traustasyni, Austurríkisbana.Vísir/Vilhelm Aldrei kom kallið „Jú jú, vissulega. Hann tók mig ekki úr liðinu því hann var ósáttur með mig. Það er alveg á hreinu. Ég þurfti að taka þetta á mig. Þeir ákváðu að spila öðruvísi leikkerfi, það var upplagt, ég varð að taka því,“ sagði Emil. Hann hafi verið tilbúinn á bekknum ef á þyrfti að halda. Kallið kom aldrei. Aron Einar spilaði nánast til loka og góð og gild spurning hvort ekki hafi þurft að gera breytingu fyrr. Alfreð Finnbogason og Jón Daði Böðvarsson náðu ekki að tengja saman í síðari hálfleik. Hefði mátt setja Emil inn fyrir annan þeirra, þétta miðjuna og gefa Gylfa meira pláss til að skapa eitthvað. Kannski, það er auðvelt að vera vitur eftir á. „Það er ótrúlega auðvelt að tala eftir leiki, segja hvað vantaði og hvað mátti fara betur. Ég veit það ekki nákvæmlega,“ sagði Emil. Nígeríumenn hafi unnið fleiri seinni bolta, það komi fyrst upp í kollinn. Emil Hallfreðsson í golfi á Korpúlfsstöðum á fallegum degi í maí. Með honum eru Magnús Gylfason og Jóhann Berg Guðmundsson.Vísir/Vilhelm Enginn möguleiki með depurð og neikvæðni „Það var ekki sami kraftur í seinni hálfleik og hefur oft verið hjá okkur. Það var hiti, þetta var aldrei að fara að verða auðveldur leikur. Nígería er með hörkulið. Þetta var bara erfiður dagur. Ég á erfitt með að segja hvað fór úrskeiðis ef ég á að segja alveg eins og er.“ Hann er ekki sá eini sem klórar sér í hausnum. Eftir flottan fyrri hálfleik þar sem Nígeríumenn komust hvorki lönd né strönd á meðan við nýttum ekki yfirburðina hrundi allt í þeim seinni. Loksins kom mark eftir fast leikatriði Íslands, en það var mark í andlitið. Örlögin eru úr höndum Íslands. „Við verðum að horfa á þetta þannig núna að það er enn þá séns. Við verðum að gefa því svolitla orku, vera jákvæðir og trúa. Við getum enn þá farið upp úr riðlinum,“ sagði Emil. Energí og trú, eins og Stuðmenn sungu. Emil ætti að vita allt um trú enda strangtrúaður, ræktar sína trú í Fíladelfíukirkjunni heima og segir öllum frá sem vilja heyra. „Við verðum að hugsa jákvætt. Ef við ætlum að fara í einhverja neikvæðni og depurð þá erum við aldrei að fara upp úr þessum riðli. Ég ætla að trúa því þangað til annað kemur í ljós.“Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram. HM 2018 í Rússlandi Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Að eiga stórleik, mögulega sinn besta leik með íslenska landsliðinu gegn Argentínu í fyrsta leik á HM í fótbolta. Fyllast sjálfstrausti og líða stórkostlega. Fá svo skilaboðin að þú ert á bekknum í næsta leik. Kemur ekkert við sögu. Kjaftshögg, kýldur í magann. Þau voru örlög Emils Hallfreðssonar. Hafnfirðingurinn var í frábærum gír í Moskvu, náði ró á bolta þegar á þurfti að halda og braut niður fjölmargar sóknir þeirra frá Suður-Ameríku. Hann var að vonum svekktur þegar blaðamaður ræddi við hann eftir 2-0 tapið gegn Nígeríu í Volgograd í gær. „Já, manni finnst náttúrulega aldrei gaman að vera á bekknum,“ sagði Emil. Emil ásamt fjölskyldunni eftir jafnteflið gegn Argentínu. Þá var auðvelt að vera til en nú reynir á strákana hvernig þeir bregðast við mótlætinu.Vísir/Vilhelm Trúaður og flytur inn vín Emil Hallfreðsson er ekki hinn týpíski íslenski landsliðsmaður. Hann snerti lengi vel ekki áfengi fyrr en hann fór að huga að víninnflutningi með eiginkonu sinni Ásu Reginsdóttur. Hann er trúaður fjölskyldufaðir, yfirvegaður og hefur tekið ástfóstri við Ítalíu eftir tæpan áratug í landi pítsu og pasta. Emil er einn þeirra landsliðsmanna sem hefur oft fengið mikla gagnrýni fyrir frammistöðu sína með landsliðinu. Lengi vel var honum plantað á vinstri kantinn, þar sem hann er örvfættur, en honum líður þó langbest á miðjunni. Hann fékk skammir fyrir tveimur árum eftir 1-1 jafntefli gegn Ungverjum í Marseille. Vildu sumir meina að hann hefði sofið á verðinum í aðdraganda jöfnunarmarks Ungverja undir lokin. Emil með boltann í Moskvu. Javier Mascherano liggur í valnum og fyrirliðarnir Aron Einar og Messi fylgjast með Hafnfirðingnum.Vísir/Vilhelm Enginn of stór fyrir bekkinn Enginn hélt vatni yfir frammistöðu hans gegn Argentínu, hvort sem er hans helstu gagnrýnendur eða stuðningsmenn. Hann var frábær, sem var mikilvægt. Aron Einar Gunnarsson landsliðsfyrirliði var að spila sinn fyrsta leik í sjö vikur og fullkomlega óvíst hvernig framlag hans yrði. Emil var frábær og uppskar sæti á varamannabekknum. „Við erum bara þannig lið að það er enginn of stór til að fara á bekkinn. Því miður þurfti ég að gera það í þetta skiptið,“ sagði Emil eftir leik. „Þetta var planað held ég í smá tíma að við yrðum með tvo framherja. Auðvitað var fúlt að verða ekki fyrir valinu að spila þennan leik,“ sagði Emil og nefndi fína frammistöðu í leiknum á undan. Þess vegna hafi bekkjarsetan verið sérstaklega sár. Emil á æfingasvæði landsliðsins ásamt starfsfólki KSÍ, Sebastian Boxleitner fitnessþjálfara og Arnóri Ingva Traustasyni, Austurríkisbana.Vísir/Vilhelm Aldrei kom kallið „Jú jú, vissulega. Hann tók mig ekki úr liðinu því hann var ósáttur með mig. Það er alveg á hreinu. Ég þurfti að taka þetta á mig. Þeir ákváðu að spila öðruvísi leikkerfi, það var upplagt, ég varð að taka því,“ sagði Emil. Hann hafi verið tilbúinn á bekknum ef á þyrfti að halda. Kallið kom aldrei. Aron Einar spilaði nánast til loka og góð og gild spurning hvort ekki hafi þurft að gera breytingu fyrr. Alfreð Finnbogason og Jón Daði Böðvarsson náðu ekki að tengja saman í síðari hálfleik. Hefði mátt setja Emil inn fyrir annan þeirra, þétta miðjuna og gefa Gylfa meira pláss til að skapa eitthvað. Kannski, það er auðvelt að vera vitur eftir á. „Það er ótrúlega auðvelt að tala eftir leiki, segja hvað vantaði og hvað mátti fara betur. Ég veit það ekki nákvæmlega,“ sagði Emil. Nígeríumenn hafi unnið fleiri seinni bolta, það komi fyrst upp í kollinn. Emil Hallfreðsson í golfi á Korpúlfsstöðum á fallegum degi í maí. Með honum eru Magnús Gylfason og Jóhann Berg Guðmundsson.Vísir/Vilhelm Enginn möguleiki með depurð og neikvæðni „Það var ekki sami kraftur í seinni hálfleik og hefur oft verið hjá okkur. Það var hiti, þetta var aldrei að fara að verða auðveldur leikur. Nígería er með hörkulið. Þetta var bara erfiður dagur. Ég á erfitt með að segja hvað fór úrskeiðis ef ég á að segja alveg eins og er.“ Hann er ekki sá eini sem klórar sér í hausnum. Eftir flottan fyrri hálfleik þar sem Nígeríumenn komust hvorki lönd né strönd á meðan við nýttum ekki yfirburðina hrundi allt í þeim seinni. Loksins kom mark eftir fast leikatriði Íslands, en það var mark í andlitið. Örlögin eru úr höndum Íslands. „Við verðum að horfa á þetta þannig núna að það er enn þá séns. Við verðum að gefa því svolitla orku, vera jákvæðir og trúa. Við getum enn þá farið upp úr riðlinum,“ sagði Emil. Energí og trú, eins og Stuðmenn sungu. Emil ætti að vita allt um trú enda strangtrúaður, ræktar sína trú í Fíladelfíukirkjunni heima og segir öllum frá sem vilja heyra. „Við verðum að hugsa jákvætt. Ef við ætlum að fara í einhverja neikvæðni og depurð þá erum við aldrei að fara upp úr þessum riðli. Ég ætla að trúa því þangað til annað kemur í ljós.“Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.
HM 2018 í Rússlandi Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira