Sjáðu hvað Neymar og Modrić gerðu þegar þeir skiptust á treyjum

Luka Modric og félagar í króatíska landsliðinu mæta því íslenska í lokaumferð riðlakeppni heimsmeistaramótsins í Rússlandi sem hefst í næstu viku.

Króatar spiluðu undirbúningsleik á móti Brasilíu á Anfield í Liverpool þar sem Brasilíumenn unnu 2-0 sigur með mörkum Neymar og Roberto Firmino.

Eftir leikinn skiptust stærstu stjörnur liðanna á treyjum en það eru þeir Luka Modric hjá Króatíu og Neymar hjá Brasilíu.

Neymar og Modric gerðu meira en það því þeir árituðu einnig treyju hvors annars og skrifuðu eitthvað meira en bara nafnið sitt.

Þetta náðist allt á myndband eins og sést hér fyrir neðan.

Wait for it. pic.twitter.com/guIVj2pM8W

— ESPN FC (@ESPNFC) June 5, 2018

Neymar hefur verið orðaður við Real Madrid og Modrić segir við hann í myndbandinu: Við erum að bíða eftir þér.

Það er ekki hægt að lesa annað út úr því en að Króatinn búist við því að Neymar endi sem liðsfélagi hans hjá Real Madrid áður en langt um líður.