Fyrsti formlegi viðburður hertogahjónanna

Hertogahjónin af Sussex mættu saman á sinn fyrsta viðburð sem hjón í dag. Harry og Meghan mættu saman í garðpartý sem haldið var í tilefni af sjötugsafmæli Karls Bretaprins. Harry hélt ræðu í veislunni en Karl á þó ekki afmæli fyrr en í nóvember.

Hertogaynjan vakti athygli í kjól frá Goat og með hatt frá Philip Treacy samkvæmt frétt BBC. Meira en 6.000 gestum tengdum góðgerðasamtökum sem hann styrkir var boðið. Þar sem ár er frá sprengingunni í Manchester Arena var viðbragðsaðilunum sem voru á vettvangi það kvöld einnig boðið.