Annar blær yfir Þýskalandi 26. maí 2018 23:30 Þjóðverjar taka við bikarnum. vísir/getty Titilvörn Þýskalands hefst þann 17. júní á stærsta velli Rússlands, Luzhniki-vellinum, gegn Mexíkó en líkt og á hverju móti er krafan að liðið komist alla leið. Fyrirfram er Þýskaland með einn sterkasta hópinn og leikreyndan þjálfara í Joachim Löw sem stýrir þýska liðinu á sjötta stórmótinu í röð. Undir hans stjórn hafa Þjóðverjar alltaf komist að minnsta kosti í undanúrslit og tvívegis leikið til úrslita, á Evrópumótinu 2008 þar sem þeir töpuðu gegn Spáni og Heimsmeistaramótinu 2014 gegn Argentínu þar sem gullið vannst. Vandinn er hins vegar að engu liði hefur tekist að verja titilinn á heimsmeistaramóti í 36 ár eða allt frá því að brasilíska liðið varði titilinn gegn Tékkóslóvakíu í Santiago í Chile árið 1962. Í raun hefur gengi ríkjandi meistara verið afleitt undanfarin mót, fyrir utan Brasilíu árið 2006 hefur engum sigurvegara tekist að komast upp úr riðlakeppninni í næsta móti. Frakkland lenti í neðsta sæti riðilsins árið 2002 líkt og Ítalía átta árum síðar en titilvörn gullkynslóðar Spánverja lauk í 3. sæti B-riðilsins árið 2014.Margir horfnir á braut Með gullinu í Brasilíu ákváðu leikmenn á borð við Miroslav Klose, Phillipp Lahm og Per Mertesacker að hætta með þýska landsliðinu. Tveimur árum síðar fylgdu Lukas Podolski og Bastian Schweinsteiger þeim og voru fimm reyndustu leikmenn liðsins þá horfnir á braut. Áttu þeir samanlagt 605 leiki að baki fyrir hönd Þýskalands. Ári síðar tefldu Þjóðverjar fram hálfgerðu varaliði í Álfukeppninni þar sem allir voru undir þrítugu en þeir fóru alla leið og komu heim með gullið. Kom þar í ljós að komið var að kynslóðaskiptum og að næsta kynslóð væri tilbúin að taka við keflinu. Fjórtán leikmenn úr hópnum sem tók gullið í Álfukeppninni í Rússlandi síðasta sumar eru í hópnum sem fer til Rússlands í sumar, fimmtán ef Leroy Sane er bætt við en hann þurfti að draga sig út úr hópnum í fyrra vegna meiðsla. Alls koma fjórtán nýir leikmenn inn í 27 manna hópinn sem Joachim Löw valdi frá síðasta móti og sýnir hann enga miskunn. Leikmenn á borð við Mario Götze, sem skoraði sigurmarkið í Ríó, fengu ekki farmiða enda óverðskuldað eftir að hafa lítið leikið á tímabilinu og frammistaðan ekki eftirtektarverð. Hryggjarsúlan verður byggð á leikmönnum sem fengu gullið í Brasilíu, Mesut Özil, Toni Kroos, Thomas Müller, Sami Khedira og miðvarðaparinu Jerome Boateng og Mats Hummels en óvíst er hvort Manuel Neuer verður klár í slaginn. Verður aukin ábyrgð á herðum yngri leikmanna á borð við Timo Werner, Leroy Sane, Julian Draxler og Julian Brandt að bera sóknarleikinn uppi. Þá verður fróðlegt að sjá hvort markahrókurinn Nils Petersen fái tækifæri en Petersen sem verður þrítugur á þessu ári hefur aldrei leikið fyrir A-landslið Þýskalands.Titilvörnin er erfið Eins og getið var um í upphafsorðunum hefur engu liði tekist að verja titilinn frá því að Brasilíumenn náðu því árið 1962. Aðeins einu liði hefur tekist að leika til úrslita í næstu keppni á eftir, Argentínumenn höfðu betur, 3-2, gegn Vestur-Þýskalandi árið 1986 en Þjóðverjar svöruðu fyrir það fjórum árum seinna með 1-0 sigri í Rómaborg og unnu þar sinn fjórða heimsmeistaratitil. Þýskaland er ásamt Ítalíu næstsigursælasta þjóðin á Heimsmeistaramótinu í knattspyrnu með fjóra meistaratitla en aðeins Brasilía hefur unnið fimm titla. Í þremur tilraunum til að verja meistaratitilinn til þessa komst Þýskaland næst því árið 1958 þegar Þjóðverjar féllu úr leik gegn heimamönnum í Svíþjóð í undanúrslitaleiknum í Gautaborg. Tuttugu árum síðar féllu þeir úr leik sem eitt af átta síðustu liðunum á Heimsmeistaramótinu í Argentínu. Sömu örlög biðu Þjóðverja í Bandaríkjunum, sprækir Búlgarar sendu þá heim úr átta liða úrslitunum. HM 2018 í Rússlandi Mest lesið „Skil ekki hvernig má kýla einhvern í andlitið?“ Íslenski boltinn Bjargaði lífi mótherja í miðjum leik Fótbolti LeBron boðar aðra Ákvörðun Körfubolti Hafa fengið áttatíu prósent stiga í boði með Gunnar í byrjunarliðinu Íslenski boltinn „Þeir skutu úr einhverjum fjörutíu vítum“ Körfubolti Aron Rafn hetja Hauka gegn Val og Fjölnir henti Stjörnunni úr leik Handbolti Uppgjörið: Valur - Tindastóll 85-87 | Basile með sigurkörfu Körfubolti Opnaði sig um skilnaðinn og erfiða tíma Sport Niðurbrotin Eygló keppir ekki á HM Sport Dagskráin í dag: Stórleikur að Hlíðarenda Sport Fleiri fréttir „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Uppgjörið: Breiðablik - Fram 3-1 | Evrópuvonir Blika lifa Hákon Arnar og félagar náðu í óvænt stig gegn Evrópumeisturunum Segir Rodri frá keppni næstu vikurnar Sandra María skoraði í leik sem þurfti að fresta Uppgjörið: Víkingur - FH 2-0 | Víkingur er Íslandsmeistari Sjá meira
Titilvörn Þýskalands hefst þann 17. júní á stærsta velli Rússlands, Luzhniki-vellinum, gegn Mexíkó en líkt og á hverju móti er krafan að liðið komist alla leið. Fyrirfram er Þýskaland með einn sterkasta hópinn og leikreyndan þjálfara í Joachim Löw sem stýrir þýska liðinu á sjötta stórmótinu í röð. Undir hans stjórn hafa Þjóðverjar alltaf komist að minnsta kosti í undanúrslit og tvívegis leikið til úrslita, á Evrópumótinu 2008 þar sem þeir töpuðu gegn Spáni og Heimsmeistaramótinu 2014 gegn Argentínu þar sem gullið vannst. Vandinn er hins vegar að engu liði hefur tekist að verja titilinn á heimsmeistaramóti í 36 ár eða allt frá því að brasilíska liðið varði titilinn gegn Tékkóslóvakíu í Santiago í Chile árið 1962. Í raun hefur gengi ríkjandi meistara verið afleitt undanfarin mót, fyrir utan Brasilíu árið 2006 hefur engum sigurvegara tekist að komast upp úr riðlakeppninni í næsta móti. Frakkland lenti í neðsta sæti riðilsins árið 2002 líkt og Ítalía átta árum síðar en titilvörn gullkynslóðar Spánverja lauk í 3. sæti B-riðilsins árið 2014.Margir horfnir á braut Með gullinu í Brasilíu ákváðu leikmenn á borð við Miroslav Klose, Phillipp Lahm og Per Mertesacker að hætta með þýska landsliðinu. Tveimur árum síðar fylgdu Lukas Podolski og Bastian Schweinsteiger þeim og voru fimm reyndustu leikmenn liðsins þá horfnir á braut. Áttu þeir samanlagt 605 leiki að baki fyrir hönd Þýskalands. Ári síðar tefldu Þjóðverjar fram hálfgerðu varaliði í Álfukeppninni þar sem allir voru undir þrítugu en þeir fóru alla leið og komu heim með gullið. Kom þar í ljós að komið var að kynslóðaskiptum og að næsta kynslóð væri tilbúin að taka við keflinu. Fjórtán leikmenn úr hópnum sem tók gullið í Álfukeppninni í Rússlandi síðasta sumar eru í hópnum sem fer til Rússlands í sumar, fimmtán ef Leroy Sane er bætt við en hann þurfti að draga sig út úr hópnum í fyrra vegna meiðsla. Alls koma fjórtán nýir leikmenn inn í 27 manna hópinn sem Joachim Löw valdi frá síðasta móti og sýnir hann enga miskunn. Leikmenn á borð við Mario Götze, sem skoraði sigurmarkið í Ríó, fengu ekki farmiða enda óverðskuldað eftir að hafa lítið leikið á tímabilinu og frammistaðan ekki eftirtektarverð. Hryggjarsúlan verður byggð á leikmönnum sem fengu gullið í Brasilíu, Mesut Özil, Toni Kroos, Thomas Müller, Sami Khedira og miðvarðaparinu Jerome Boateng og Mats Hummels en óvíst er hvort Manuel Neuer verður klár í slaginn. Verður aukin ábyrgð á herðum yngri leikmanna á borð við Timo Werner, Leroy Sane, Julian Draxler og Julian Brandt að bera sóknarleikinn uppi. Þá verður fróðlegt að sjá hvort markahrókurinn Nils Petersen fái tækifæri en Petersen sem verður þrítugur á þessu ári hefur aldrei leikið fyrir A-landslið Þýskalands.Titilvörnin er erfið Eins og getið var um í upphafsorðunum hefur engu liði tekist að verja titilinn frá því að Brasilíumenn náðu því árið 1962. Aðeins einu liði hefur tekist að leika til úrslita í næstu keppni á eftir, Argentínumenn höfðu betur, 3-2, gegn Vestur-Þýskalandi árið 1986 en Þjóðverjar svöruðu fyrir það fjórum árum seinna með 1-0 sigri í Rómaborg og unnu þar sinn fjórða heimsmeistaratitil. Þýskaland er ásamt Ítalíu næstsigursælasta þjóðin á Heimsmeistaramótinu í knattspyrnu með fjóra meistaratitla en aðeins Brasilía hefur unnið fimm titla. Í þremur tilraunum til að verja meistaratitilinn til þessa komst Þýskaland næst því árið 1958 þegar Þjóðverjar féllu úr leik gegn heimamönnum í Svíþjóð í undanúrslitaleiknum í Gautaborg. Tuttugu árum síðar féllu þeir úr leik sem eitt af átta síðustu liðunum á Heimsmeistaramótinu í Argentínu. Sömu örlög biðu Þjóðverja í Bandaríkjunum, sprækir Búlgarar sendu þá heim úr átta liða úrslitunum.
HM 2018 í Rússlandi Mest lesið „Skil ekki hvernig má kýla einhvern í andlitið?“ Íslenski boltinn Bjargaði lífi mótherja í miðjum leik Fótbolti LeBron boðar aðra Ákvörðun Körfubolti Hafa fengið áttatíu prósent stiga í boði með Gunnar í byrjunarliðinu Íslenski boltinn „Þeir skutu úr einhverjum fjörutíu vítum“ Körfubolti Aron Rafn hetja Hauka gegn Val og Fjölnir henti Stjörnunni úr leik Handbolti Uppgjörið: Valur - Tindastóll 85-87 | Basile með sigurkörfu Körfubolti Opnaði sig um skilnaðinn og erfiða tíma Sport Niðurbrotin Eygló keppir ekki á HM Sport Dagskráin í dag: Stórleikur að Hlíðarenda Sport Fleiri fréttir „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Uppgjörið: Breiðablik - Fram 3-1 | Evrópuvonir Blika lifa Hákon Arnar og félagar náðu í óvænt stig gegn Evrópumeisturunum Segir Rodri frá keppni næstu vikurnar Sandra María skoraði í leik sem þurfti að fresta Uppgjörið: Víkingur - FH 2-0 | Víkingur er Íslandsmeistari Sjá meira