Jafnmikil ógn af Kínverjum og Rússum

Tilraunir Kínverja til að hafa áhrif á Vesturlöndum með leynilegum hætti valda Bandaríkjamönnum alveg jafnmiklum áhyggjum og undirróðursstarfsemi Rússa. Þetta segir forstjóri leyniþjónustunnar CIA í viðtali við breska ríkisútvarpið.

Forstjórinn, Mike Pompeo, segir að Kínverjar séu mun betur í stakk búnir en Rússar til að beita njósnum enda mun stærra og öflugra ríki. Bandaríska leyniþjónustusamfélagið hefur lengi haldið því fram fullum fetum að Rússar hafi reynt að beita sér í forsetakosningunum þegar Trump forseti var kosinn.

Pompeo segist viss um að þeir muni reyna slíkt aftur í næstu þingkosningum sem eru á næsta leyti. Kínverjar væru hinsvegar ekki minni ógn við þjóðaröryggið, en Rússar.

Spjall breska ríkisútvarpsins við Pompeo má nálgast hér. Þar ræðir hann einnig um flugskeytaárásir Írana og áhrif Bandaríkjanna á gang mála í borgararstyrjöldinni í Sýrlandi.