Allt sem þú þarft að vita fyrir HM-dráttinn Eiríkur Stefán Ásgeirsson skrifar 1. desember 2017 06:00 Heimsmeistarastyttan sem hefur verið keppt um síðan 1974. Ítalinn Silvio Gazzaniga hannaði hana. vísir/getty Íslenska karlalandsliðið hefur upplifað svo margar stórar stundir undanfarin misseri að það fer að verða klisjukennt að tala um stórar stundir í sögu liðsins og íslenskrar knattspyrnu. Engu að síður er komið aftur að einni slíkri í dag þó svo að enginn leikur sé á dagskrá. Í dag verður dregið í riðla fyrir HM í knattspyrnu sem fer fram í Rússlandi næsta sumar og er það stund sem mun fá stóran hluta þjóðarinnar til að standa á öndinni af eftirvæntingu – slík er spennan fyrir því að sjá hvaða þjóðum Ísland mun mæta næsta sumar. Athöfnin fer fram í Kreml í Moskvu í dag, valdamiðstöð gömlu Sovétríkjanna. Þangað munu augu margra beinast í dag. Gary Lineker, hinn gamli markahrókur enska landsliðsins, stýrir athöfninni en hver þjóð sem hefur unnið heimsmeistaratitil mun senda fulltrúa sinn á staðinn. Diego Maradona er fulltrúi Argentínu en hann var í aðalhlutverki þegar Argentína vann Lineker og félaga í enska landsliðinu á HM 1986 í Mexíkó, þegar Maradona skoraði meðal annars með „hendi guðs“.Fylgst verður náið með drættinum í riðla á íþróttavef Vísis í allan dag.Diego Maradona með heimsbikarinn 1986. Líklega glæstasta frammistaða knattspyrnumanns á HM í seinni tíð að minnsta kosti.Vísir/GettyÍsland í þriðja styrkleikaflokki Liðunum 32 sem komust á HM hefur verið raðað í fjóra styrkleikaflokka og var miðað við stöðu þeirra á styrkleikalista Alþjóðaknattspyrnusambandsins, FIFA, í október þegar það var gert. Ísland var í 21. sæti á þeim lista þar sem tekin eru stig fyrir úrslit leikja síðustu fjögurra ára á undan við útreikninga listans. Þetta er breyting frá fyrra fyrirkomulagi þar sem aðeins var raðað í fyrsta styrkleikaflokk samkvæmt heimslista FIFA en í aðra flokka eftir heimsálfum. Ísland er ofarlega á blaði í þriðja styrkleikaflokki og mátti litlu muna að okkar menn kæmust í næsta fyrir ofan. Til þess hefðu bæði Króatía og Danmörk þurft að falla úr leik í umspilsleikjum sínum fyrir HM í nóvember. Það þýðir að Ísland getur ekki dregist í riðil með öðrum liðum í þriðja styrkleikaflokki. Í þeim eru til að mynda hinar Norðurlandaþjóðirnar sem komust á HM – Danmörk og Svíþjóð – og því er eina leiðin til að mæta frændþjóðum okkar að komast áfram í útsláttarkeppnina.Lukkudýr HM 2018 er úlfurinn Zabivaka.vísir/gettyHvernig fer drátturinn fram? Dregið verður fyrst úr fyrsta styrkleikaflokki. Raunar er það svo að búið er að ákveða að Rússland verður í A-riðli en aðrar þjóðir úr flokknum verða dregnar í hina sjö riðlana, fyrst í B-riðil, svo C-riðil og þannig áfram eftir stafrófsröð. Eftir það verður dregið úr öðrum styrkleikaflokki, þá þriðja og loks fjórða. Stærsti fyrirvarinn í drættinum er sá að lið frá sömu heimsálfu geta ekki dregist saman í riðil. Það verður þó að gera undantekningu fyrir Evrópu þar sem fjórtán Evrópuþjóðir unnu sér þátttökurétt á HM. Tvær Evrópuþjóðir verða því í sex af átta riðlum og því meirihlutalíkur á að Ísland verði með annarri Evrópuþjóð í riðli.Luzhniki Stadium í Moskvu, þar sem opnunarleikur mótsins fer fram sem og úrslitaleikurinn.Vísir/GettyÍsland getur fengið opnunarleikinn Nú þegar er búið að raða öllum leikjum keppninnar á daga og borgir. Það eina sem er vitað er að Rússland er svokallað A1-lið, það er að segja fyrsta liðið í A-riðli. Það er þess vegna vitað að Rússar spila opnunarleik keppninnar í Moskvu, annan leik sinn í St. Pétursborg og þann þriðja í Samara. Þó svo að Ísland sé í þriðja styrkleikaflokki þýðir það ekki að Ísland verði „þriðja liðið“ í sínum riðli. Í hvert sinn þegar land er dregið úr pottinum og sett í næsta lausa riðil verður önnur kúla dregin sem ákveður hvaða númer hvert lið fær í viðkomandi riðli. Ef Ísland verður dregið í A-riðil og verður þar lið númer 2 mun það spila opnunarleik keppninnar gegn gestgjöfum Rússlands á Luzhniki-leikvanginum í Moskvu, fimmtudaginn 14. júní klukkan 15.00 að íslenskum tíma. Af þessari ástæðu verður ljóst á hvaða dögum Ísland spilar og í hvaða borgum um leið og búið er að draga nafn Íslands úr pottinum og úthluta því númeri í viðkomandi riðli. Athöfnin í Moskvu hefst klukkan 15.00 í dag og verður vel fylgst með gangi mála á íþróttavef Vísis í allan dag.Aron Einar tryllist eftir að flautað var til leiksloka í Nice á EM 2016. 2-1 sigur á Englandi var í höfn.vísir/vilhelmMögulegir riðlarLesendur Vísis Rússland Perú Ísland Sádi-Arabía Lesendur Vísis tóku þátt í könnun í gær og er þetta niðurstaðan. Þetta er líklega sá riðill sem hvað auðveldast væri að komast upp úr og í 16 liða úrslitin, enda Rússar langlægst skrifaða liðið úr fyrsta styrkleikaflokki.Draumariðill Brasilía England Ísland Panama Sameinar það besta úr báðum heimum – að mæta skemmtilegum liðum og eiga möguleika á sæti í 16 liða úrslitunum. Englendinga höfum við unnið áður og er vel hægt að endurtaka þann leik.Martraðariðill Þýskaland Kólumbía Ísland Nígería Þetta er erfiður riðill, svo vægt sé til orða tekið. Þjóðverjar eru ríkjandi heimsmeistarar og Kólumbíumenn ávallt sterkir. Þá er Nígería líklega sterkasta liðið sem hægt væri að fá úr fjórða styrkleikaflokki. HM 2018 í Rússlandi Tengdar fréttir HM-drátturinn: Mestar líkur á því að við lendum í riðli með Mexíkó en England ekki líklegur mótherji Það eru litlar líkur á því að íslenska landsliðið lendi í riðli með gestgjöfum Rússa eða Englendingum þegar dregið verður í riðla á HM í Rússlandi 2018 á morgun. 30. nóvember 2017 09:00 Mest lesið Haukar dæmdir úr bikarnum og ÍBV fer áfram Handbolti „Önnur eins vitleysa hefur komið frá þessu félagi“ Handbolti Dagný gleymd eða afskrifuð?: Hefur ekkert heyrt í landsliðsþjálfaranum Fótbolti Metinn á rúmlega 17 milljarða fyrr á árinu en má nú fara á láni Enski boltinn „Gætu gert hrikalega góða hluti með íslenska landsliðið“ Fótbolti Guardiola allur útklóraður eftir leik Fótbolti Laumaði hauskúpu afa síns inn á úrslitaleikinn Fótbolti Segir það sárt að vera ekki velkominn hjá Liverpool Enski boltinn Umboðsmaðurinn sérstaki sem kom með fyrstu Kananna til landsins Körfubolti Spiluðu deildina hundrað þúsund sinnum og reiknuðu sigurlíkur liðanna Handbolti Fleiri fréttir „Gefur enga mynd af því sem við erum að fara að ganga í gegnum“ Amma Bellinghams fór ekki út úr húsi á meðan EM stóð Svarar Gabriel eftir að hann stal fagninu hans Guardiola allur útklóraður eftir leik Coote gaf gult spjald eins og hann talaði um fyrir leik Segir það sárt að vera ekki velkominn hjá Liverpool Jóhann semur og heldur Jóhanni í teyminu Dagný gleymd eða afskrifuð?: Hefur ekkert heyrt í landsliðsþjálfaranum „Gætu gert hrikalega góða hluti með íslenska landsliðið“ Metinn á rúmlega 17 milljarða fyrr á árinu en má nú fara á láni Laumaði hauskúpu afa síns inn á úrslitaleikinn „Við erum brothættir“ „Höfum sýnt að þetta er getustigið sem við getum spilað á“ Lewandowski sá þriðji til að skora hundrað Meistaradeildarmörk Atlético skoraði sex Ótrúleg endurkoma Feyenoord í Manchester Skytturnar léku á als oddi Eiður Aron áfram á Ísafirði Hareide þarf að leggjast undir hnífinn Liverpool væri bara í þrettánda sæti án markanna hans Mo Salah Andri Rúnar í Stjörnuna Hvorki Arnar né Freyr heyrt frá KSÍ Kæra framleiðendur Lionel Messi drykkjarins fyrir stuld Arnar betur í stakk búinn en Eyjólfur og Arnar Þór Aðeins Heimir og Lagerbäck með betri árangur á öldinni „Fann brosið mitt á ný“ Hélt hreinu á móti Manchester City ökklabrotinn Hareide segir að þjálfaraferlinum sé lokið Carragher segir Salah vera eigingjarnan Segir fótboltamönnum að halda sig frá McGregor Sjá meira
Íslenska karlalandsliðið hefur upplifað svo margar stórar stundir undanfarin misseri að það fer að verða klisjukennt að tala um stórar stundir í sögu liðsins og íslenskrar knattspyrnu. Engu að síður er komið aftur að einni slíkri í dag þó svo að enginn leikur sé á dagskrá. Í dag verður dregið í riðla fyrir HM í knattspyrnu sem fer fram í Rússlandi næsta sumar og er það stund sem mun fá stóran hluta þjóðarinnar til að standa á öndinni af eftirvæntingu – slík er spennan fyrir því að sjá hvaða þjóðum Ísland mun mæta næsta sumar. Athöfnin fer fram í Kreml í Moskvu í dag, valdamiðstöð gömlu Sovétríkjanna. Þangað munu augu margra beinast í dag. Gary Lineker, hinn gamli markahrókur enska landsliðsins, stýrir athöfninni en hver þjóð sem hefur unnið heimsmeistaratitil mun senda fulltrúa sinn á staðinn. Diego Maradona er fulltrúi Argentínu en hann var í aðalhlutverki þegar Argentína vann Lineker og félaga í enska landsliðinu á HM 1986 í Mexíkó, þegar Maradona skoraði meðal annars með „hendi guðs“.Fylgst verður náið með drættinum í riðla á íþróttavef Vísis í allan dag.Diego Maradona með heimsbikarinn 1986. Líklega glæstasta frammistaða knattspyrnumanns á HM í seinni tíð að minnsta kosti.Vísir/GettyÍsland í þriðja styrkleikaflokki Liðunum 32 sem komust á HM hefur verið raðað í fjóra styrkleikaflokka og var miðað við stöðu þeirra á styrkleikalista Alþjóðaknattspyrnusambandsins, FIFA, í október þegar það var gert. Ísland var í 21. sæti á þeim lista þar sem tekin eru stig fyrir úrslit leikja síðustu fjögurra ára á undan við útreikninga listans. Þetta er breyting frá fyrra fyrirkomulagi þar sem aðeins var raðað í fyrsta styrkleikaflokk samkvæmt heimslista FIFA en í aðra flokka eftir heimsálfum. Ísland er ofarlega á blaði í þriðja styrkleikaflokki og mátti litlu muna að okkar menn kæmust í næsta fyrir ofan. Til þess hefðu bæði Króatía og Danmörk þurft að falla úr leik í umspilsleikjum sínum fyrir HM í nóvember. Það þýðir að Ísland getur ekki dregist í riðil með öðrum liðum í þriðja styrkleikaflokki. Í þeim eru til að mynda hinar Norðurlandaþjóðirnar sem komust á HM – Danmörk og Svíþjóð – og því er eina leiðin til að mæta frændþjóðum okkar að komast áfram í útsláttarkeppnina.Lukkudýr HM 2018 er úlfurinn Zabivaka.vísir/gettyHvernig fer drátturinn fram? Dregið verður fyrst úr fyrsta styrkleikaflokki. Raunar er það svo að búið er að ákveða að Rússland verður í A-riðli en aðrar þjóðir úr flokknum verða dregnar í hina sjö riðlana, fyrst í B-riðil, svo C-riðil og þannig áfram eftir stafrófsröð. Eftir það verður dregið úr öðrum styrkleikaflokki, þá þriðja og loks fjórða. Stærsti fyrirvarinn í drættinum er sá að lið frá sömu heimsálfu geta ekki dregist saman í riðil. Það verður þó að gera undantekningu fyrir Evrópu þar sem fjórtán Evrópuþjóðir unnu sér þátttökurétt á HM. Tvær Evrópuþjóðir verða því í sex af átta riðlum og því meirihlutalíkur á að Ísland verði með annarri Evrópuþjóð í riðli.Luzhniki Stadium í Moskvu, þar sem opnunarleikur mótsins fer fram sem og úrslitaleikurinn.Vísir/GettyÍsland getur fengið opnunarleikinn Nú þegar er búið að raða öllum leikjum keppninnar á daga og borgir. Það eina sem er vitað er að Rússland er svokallað A1-lið, það er að segja fyrsta liðið í A-riðli. Það er þess vegna vitað að Rússar spila opnunarleik keppninnar í Moskvu, annan leik sinn í St. Pétursborg og þann þriðja í Samara. Þó svo að Ísland sé í þriðja styrkleikaflokki þýðir það ekki að Ísland verði „þriðja liðið“ í sínum riðli. Í hvert sinn þegar land er dregið úr pottinum og sett í næsta lausa riðil verður önnur kúla dregin sem ákveður hvaða númer hvert lið fær í viðkomandi riðli. Ef Ísland verður dregið í A-riðil og verður þar lið númer 2 mun það spila opnunarleik keppninnar gegn gestgjöfum Rússlands á Luzhniki-leikvanginum í Moskvu, fimmtudaginn 14. júní klukkan 15.00 að íslenskum tíma. Af þessari ástæðu verður ljóst á hvaða dögum Ísland spilar og í hvaða borgum um leið og búið er að draga nafn Íslands úr pottinum og úthluta því númeri í viðkomandi riðli. Athöfnin í Moskvu hefst klukkan 15.00 í dag og verður vel fylgst með gangi mála á íþróttavef Vísis í allan dag.Aron Einar tryllist eftir að flautað var til leiksloka í Nice á EM 2016. 2-1 sigur á Englandi var í höfn.vísir/vilhelmMögulegir riðlarLesendur Vísis Rússland Perú Ísland Sádi-Arabía Lesendur Vísis tóku þátt í könnun í gær og er þetta niðurstaðan. Þetta er líklega sá riðill sem hvað auðveldast væri að komast upp úr og í 16 liða úrslitin, enda Rússar langlægst skrifaða liðið úr fyrsta styrkleikaflokki.Draumariðill Brasilía England Ísland Panama Sameinar það besta úr báðum heimum – að mæta skemmtilegum liðum og eiga möguleika á sæti í 16 liða úrslitunum. Englendinga höfum við unnið áður og er vel hægt að endurtaka þann leik.Martraðariðill Þýskaland Kólumbía Ísland Nígería Þetta er erfiður riðill, svo vægt sé til orða tekið. Þjóðverjar eru ríkjandi heimsmeistarar og Kólumbíumenn ávallt sterkir. Þá er Nígería líklega sterkasta liðið sem hægt væri að fá úr fjórða styrkleikaflokki.
HM 2018 í Rússlandi Tengdar fréttir HM-drátturinn: Mestar líkur á því að við lendum í riðli með Mexíkó en England ekki líklegur mótherji Það eru litlar líkur á því að íslenska landsliðið lendi í riðli með gestgjöfum Rússa eða Englendingum þegar dregið verður í riðla á HM í Rússlandi 2018 á morgun. 30. nóvember 2017 09:00 Mest lesið Haukar dæmdir úr bikarnum og ÍBV fer áfram Handbolti „Önnur eins vitleysa hefur komið frá þessu félagi“ Handbolti Dagný gleymd eða afskrifuð?: Hefur ekkert heyrt í landsliðsþjálfaranum Fótbolti Metinn á rúmlega 17 milljarða fyrr á árinu en má nú fara á láni Enski boltinn „Gætu gert hrikalega góða hluti með íslenska landsliðið“ Fótbolti Guardiola allur útklóraður eftir leik Fótbolti Laumaði hauskúpu afa síns inn á úrslitaleikinn Fótbolti Segir það sárt að vera ekki velkominn hjá Liverpool Enski boltinn Umboðsmaðurinn sérstaki sem kom með fyrstu Kananna til landsins Körfubolti Spiluðu deildina hundrað þúsund sinnum og reiknuðu sigurlíkur liðanna Handbolti Fleiri fréttir „Gefur enga mynd af því sem við erum að fara að ganga í gegnum“ Amma Bellinghams fór ekki út úr húsi á meðan EM stóð Svarar Gabriel eftir að hann stal fagninu hans Guardiola allur útklóraður eftir leik Coote gaf gult spjald eins og hann talaði um fyrir leik Segir það sárt að vera ekki velkominn hjá Liverpool Jóhann semur og heldur Jóhanni í teyminu Dagný gleymd eða afskrifuð?: Hefur ekkert heyrt í landsliðsþjálfaranum „Gætu gert hrikalega góða hluti með íslenska landsliðið“ Metinn á rúmlega 17 milljarða fyrr á árinu en má nú fara á láni Laumaði hauskúpu afa síns inn á úrslitaleikinn „Við erum brothættir“ „Höfum sýnt að þetta er getustigið sem við getum spilað á“ Lewandowski sá þriðji til að skora hundrað Meistaradeildarmörk Atlético skoraði sex Ótrúleg endurkoma Feyenoord í Manchester Skytturnar léku á als oddi Eiður Aron áfram á Ísafirði Hareide þarf að leggjast undir hnífinn Liverpool væri bara í þrettánda sæti án markanna hans Mo Salah Andri Rúnar í Stjörnuna Hvorki Arnar né Freyr heyrt frá KSÍ Kæra framleiðendur Lionel Messi drykkjarins fyrir stuld Arnar betur í stakk búinn en Eyjólfur og Arnar Þór Aðeins Heimir og Lagerbäck með betri árangur á öldinni „Fann brosið mitt á ný“ Hélt hreinu á móti Manchester City ökklabrotinn Hareide segir að þjálfaraferlinum sé lokið Carragher segir Salah vera eigingjarnan Segir fótboltamönnum að halda sig frá McGregor Sjá meira
HM-drátturinn: Mestar líkur á því að við lendum í riðli með Mexíkó en England ekki líklegur mótherji Það eru litlar líkur á því að íslenska landsliðið lendi í riðli með gestgjöfum Rússa eða Englendingum þegar dregið verður í riðla á HM í Rússlandi 2018 á morgun. 30. nóvember 2017 09:00