Enn eitt undraskotið hjá Curry og nú kom síminn hans við sögu | Myndband

Stephen Curry er ein allra besta þriggja stiga skytta allra tíma í NBA-deildinni en hann er einnig þekktur fyrir að setja niður ótrúleg þriggja stiga skot langt fyrir utan völlinn.

Mark Medina, blaðamaður The Mercury News, skrifar um Golden State Warriors liðið og hann var staddur á æfingu liðsins í gær og náði að taka upp myndband af einu ótrúlegu skoti frá Steph Curry.

Steph Curry sat í stól fyrir utan völlinn og það leit út fyrir að Steph Curry væri bara að senda SMS í símanum. Hann fékk hinsvegar boltann og án þess að hika sendi hann beina leið í körfuna.

Hér fyrir neðan má sjá þetta magnaða skot hjá stráknum.

Steph Curry taking a shot with the ball and his phone pic.twitter.com/b26g8GvXg3

— Mark Medina (@MarkG_Medina) October 23, 2017

Það er erfitt að ímynda sér erfiðara skot. Hann var fyrir utan völlinn, hann sat í stól og var með aðra hönd á símanum. Skotið fór hinsvegar fullkomna leið og beint í körfuna.

Það kom líka í ljós að Steph Curry var líka að taka upp skotið á símann sinn eins og sjá má hér fyrir neðan.

#StephCurry's view of the "Snap-shot"  (: Steph's IG story) pic.twitter.com/SdjyOOyZao

— LetsGoWarriors (@LetsGoWarriors) October 23, 2017

Það hefur gengið á ýmsu hjá Stephen Curry eftir að hann rekinn út í tapleik á móti Memphis Grizzlies. Hann setti sex þrista í leiknum án hann var sendur í sturtu.

Í gær kom í ljós að Curry sleppur við leikbann en þarf að greiða 50 þúsund króna sekt.