Frábærir dagar hjá Lewandowski

Á sunnudaginn varð Robert Lewandowski markahæstur í sögu undankeppni heimsmeistaramóts í knattspyrnu þegar hann skoraði sitt 16. mark fyrir Pólland í undankeppninni.

Í gær útskrifaðist hann svo með bachelor-gráðu frá Íþróttaháskólanum í Varsjá.

Hann notaði sinn eigin feril í lokaritgerð sinni, sem einblíndi á þjálfun og stjórnun knattspyrnuliða.

Pólland gæti orðið einn af andstæðingum Íslands í Rússlandi í sumar, en dregið verður í riðla 1. desember næst komandi.