Fangaði umfang eyðileggingarinnar í Kaliforníu á myndband

Ljósmyndarinn Douglas Thron notaði dróna til þess að fanga eyðilegginguna vegna mikilla elda í Kaliforníu á stórfenglegan hátt. Minnst 31 er látinn og fjölmargra er saknað en eldarnir brenna enn.

Thron myndaði borgina Santa Rosa sem hefur orðið verulega illa út, en hann notaði drónann til að fylgja eftir póstburðarmanni sem var enn að bera út póstinn í hverfinu þrátt fyrir að fá hús stæðu eftir.

Þá má glögglega sjá á myndbandinu hvernig sum hús virðast ósnert á meðan húsin við hlið þeirra hafa brunnið til grunna. Myndbandið var tekið upp fyrir þremur dögum.