Bubbi er hrifinn af laginu B.O.B.A.

Lagið B.O.B.A með JóaPé og Króla er eitt vinsælasta lag Íslands um þessar mundir en það byggir á fleygum orðum sem tónlistarmaðurinn Bubbi Morthens lét flakka í beinni útsendingu á sínum tíma, árið 2002 nánar tiltekið. Þá ætlaði Bubbi að stafa orðið „bomba“ en í miklum ákafa gleymdist einn bókstafur.

„Lagið er flott,“ segir Bubbi spurður út í hvernig honum lítist á lagið B.O.B.A. og þá staðreynd að mismæli hans spili stórt hlutverk í laginu. „Þetta var í beinni box-lýsingu, ég var búin að tapa mér í æsingi og henti m-inu út um gluggann. Þannig varð boba-frasinn til. Gaman að þessu,“ segir Bubbi.

Þess má geta að JóiPé og Króli eru fæddir árið 2000 og 1999 og voru því mögulega enn þá að nota snuð þegar Bubbi gerði tilraun til að stafa „bomba“ á eftirminnilegan hátt.