Björn Bergmann og félagar komnir aftur á sigurbraut

Björn Bergmann Sigurðarson lék allan leikinn í fremstu víglínu hjá Molde sem vann 2-1 sigur á Odd í norsku úrvalsdeildinni í fótbolta í kvöld.

Sigurinn var kærkominn fyrir Molde sem hafði tapað tveimur leikjum í röð áður en að leiknum í kvöld kom.

Björn Bergmann og félagar eru í 4. sæti deildarinnar með 34 stig, þremur stigum frá 3. sætinu sem gefur sæti í Evrópudeildinni.

Elías Már Ómarsson lék síðustu 14 mínúturnar þegar IFK Göteborg laut í lægra haldi fyrir Djurgården, 1-3, í sænsku úrvalsdeildinni í kvöld.

Göteborg, sem hefur aðeins fengið tvö stig úr síðustu þremur leikjum, er í 10. sæti deildarinnar.