Hin­rik prins lagður inn á sjúkra­hús

Hinrik prins, eiginmaður Margrétar Þórhildar Danadrottningar, hefur verið lagður inn á Rigshospitalet í Kaupmannahöfn.

Danskir fjölmiðlar segja prinsinn hafi verið lagður inn eftir að hafa fundið fyrir eymslum í hægri fæti í kjölfar aðgerðar í nára sem hann gekkst undir í síðasta mánuði.

Hinrik hefur að undanvörnu verið í fríi í suðurhluta Frakklands, en neyddist til að halda aftur heim til Danmerkur þar sem hann varð lagður inn á sjúkrahúsið.

„Prinsinn fær lyfjameðferð. Það eru engar frekari skurðaðgerðir fyrirhugaðar að svo stöddu,“ er haft eftir Lena Balleby, fjölmiðlafulltrúa dönsku konungsfjölskyldunnar.

Mikið hefur verið fjallað um Hinrik prins í fjölmiðlum að undanförnu vegna ákvörðunar hans um að hann vilji ekki verða grafinn við hlið drottningarinnar og eiginkonu sinnar í Hróarskeldu þegar sá tími kemur.

Ekki er ljóst hve lengi hinn 83 ára Hinrik þarf að dvelja á Rigshospitalet.