Eystri Rangá loksins að detta inn

Eystri Rangá er loksins að detta inn samkvæmt heimildum okkar við bakkann en laxinn er ekkert óvenjulega seint á ferðinni í þessa skemmtilegu á.

Eystri hefur í gegnum árin oftast fengið fyrstu stóru göngurnar seint í júli og sérstaklega á smálaxaárum.  Sumarið í fyrra var algjör undantekning þegar göngurnar voru geysilega sterkar strax í byrjun júní en sú undantekning á snemmgengnum laxi átti sér stað um land allt.  Þetta ár virðist vera hefðbundið ár þar sem eins árs laxinn er sterkastur og þá er þessi tímasetning sem Eystri Rangá fer í gang mjög hefðbundin.

"Undanfarnir dagar hafa verið mjög góðir og við erum búin að vera í um 50 löxum á dag síðustu daga og það fer að styttast í tímann þegar við erum að fá þetta 250-300 laxa vikur" sagði Einar Lúðvíksson hjá Veiðifélagi Eystri Rangá í samtali við Veiðivísi.  Það sem hefur líka gert veiðimönnum erfitt fyrir upp á síðkastið er mikil bráð sem fellur í ánna og við það litast hún allmikið og verður svo til óveiðanleg.  Það hefur dregið mikið úr þessu og hún hefur verið í sínum eðlilega lit síðustu daga.