Ariana Grande aflýsir tónleikum

Bandaríska söngkonan Ariana Grande hefur aflýst fyrirhuguðum tónleikum sínum á næstu dögum í kjölfar hryðjuverkaárásarinnar sem varð í Manchester. Árásin átti sér stað að loknum tónleikum hennar í Manchester Arena.

Umboðsmenn Grande greindu frá ákvörðuninni síðdegis í dag, en næstu tónleikar Ariönu Grande verða þann 7. júní í París.

Ekkert verður því úr fyrirhuguðum tónleikum hennar í London, Antwerpen, Lodz, Frankfurt og Zürich.

22 létu lífið og á sjötta tug manna særðust í árásinni á mánudagskvöldið.