AGF forðaðist fallið

AGF bjargaði sér í dag frá falli niður í dönsku B-deildina með 1-0 sigri á Viborg í seinni leik liðanna í umspili um áframhaldandi sæti í dönsku úrvalsdeildinni. Liðin gerðu 2-2 jafntefli í fyrri leiknum.

Morten Duncan Rasmussen skoraði eina mark leiksins á 10. mínútu.

Björn Daníel Sverrisson og Theodór Elmar Bjarnason voru báðir í byrjunarliði AGF. Björn Daníel lék allan leikinn en Elmar var tekinn af velli þegar sex mínútur voru til leiksloka.

Björn Daníel spilaði 24 deildarleiki á tímabilinu og skoraði þrjú mörk. Elmar skoraði eitt mark í 26 deildarleikjum.